Marc

6 Mé, dipi koumansman-an, yé marké ki “Bondjé fè yé wonm ké fanm. 9 Donk a pa pou pyès moun séparé sa Bondjé mété ansanm. » 14 Lò i wè sa, Jézi pa té kontan menm é i di yé : « Lésé timoun-yan vini òbò mo. Pa chaché anpéché yé fè sa, paské rwayonm Bondjé-a di sa-ya ki ka sanblé yé. 17 Kou i té ka koumansé pati, roun mouché kouri vini wè li, i tonbé a jounou douvan li épi i doumandé l’ : « Bon ansényan, kisa mo divèt fè pou mo gen lavi pou tout-tan ? » 18 Jézi réponn li : « Poukisa to ka aplé mo bon ? Pyès moun pa bon, sof rounsèl moun : Bondjé. 19 To konnèt koumannman-yan: “Pa tchwé. Pa fè adiltèr. Pa vòlò. Pa manti pou bay fo témwanyaj. Pa bloublou pyès moun pou pran yé zafè. Bay to papa ké to manman lònò.” » 20 Mouché-a di li  : « Ansényan, mo ka obéyi sa koumannman-yan dipi mo toupiti. » 21 Jézi gadé li é i koumansé kontan l’ épi i di li : « To ka manké roun bagaj toujou : Alé vandé tousa to gen épi bay maléré-ya é to ké gen roun trézòr annan syèl-a. Épi vini, swiv mo. » 22 Mé tchò mouché-a té gro lò i tandé répons Jézi bay li é i pati, i té tou tris, paské i té gen roun patché bagaj. 29 Jézi réponn : « Mo ka di zòt sa vré, pyès moun pa lésé ni kaz, ni frè, ni sò, ni manman, ni papa, ni timoun, ni bati pou mo ké pou bon nouvèl-a, 30 san i pa rousouvwè san fwa plis dipi aprézan — kaz, frè, sò, manman, timoun ké bati, ansanm ké pèrsékisyon — épi annan monn ki ka vini-a, lavi pou tout-tan. 38 Mé Jézi di yé : « Zòt pa savé sa zòt ka doumandé la. Ès zòt pouvé bwè koup mo ka bwè-a, ouben rousouvwè menm batenm mo ka rousouvwè-a ? » 40 Mé a pa mo pou désidé kimoun ki ké asiz òbò mo a mo drèt ouben a mo goch. Bondjé ja préparé sa plas-ya pou roun ran moun, sa plas-ya a di yé. » 43 A pa sa ki divèt fèt koté zòt : sa-la ki lé divini gran divèt sa zòt sèrvitèr, 44 é sa-la ki lé prémyé plas-a divèt èsklav tout moun. 45 Paské Pitit wonm-an li menm pa vini pou moun sèrvi l’, mé i vini pou sèrvi é pou bay so lavi pou péyé ranson-an an échanj di bokou moun. »