Proverbes

3 Lò roun moun pa lé mété so kò annan pyès dézòrd ké moun, a roun bon bagaj ; parkont, sa-ya ki sòt ka lévé blo. 5 Pansé ki annan tchò roun moun kou dlo ki fon, mé roun moun ki entélijan ka fè sa pansé-ya soti. 7 Sa-la ki jis ka maché ké fidélité. So timoun-yan ki ka vini dèyè, yé tchò kontan ! 11 Asou fason i ka fè, menm roun timoun ka montré si so konpòrtman pròp ké drèt. 18 Lò nou ka doumandé konsèy, nou ka rivé fè sa nou prévwè fè ; pou fè lagèr sa enpòrtan pou to byen konnèt sa pou to fè. 19 Roun moun ki ka manti asou ròt moun pou sali yé répitasyon ka monté désann ka alé répété bagaj yé di li pa répété, pa maché ké sa-la ki kontan fè kankan. 24 A Jéova ki ka gidé roun moun ki ka maché ; kouman roun moun pouvé savé ki chimen pou i pran ? 25 A roun trap pou roun moun lò i ka kouri di : « Sa bagaj-a sakré ! » épi a sèlman apré i ka réfléchi asou vé i fin fè-a. 27 Sa ki ka soti annan bouch roun moun a lalanp Jéova é i ki ka kléré andidan sa moun-an. 29 Laglwar jennjan-yan, a yé fòrs, é sa ki ka fè ki granmoun-yan bèl, a yé chivé blan.