Matthieu

4 Jézi réponn yé : « Zòt pa jen li ki Sa-la ki kréyé yé fè yé wonm ké fanm dipi koumansman-an, 5 é i di : “A pou sa, wonm-an ké lésé so papa ké so manman, é i ké divèt rété ké so madanm, é yé toulédé ké sa rounsèl lachè” ? 6 Konsa, yé pa dé moun ankò, mé yé sa rounsèl lachè. A pou sa, a pa pou pyès moun séparé sa Bondjé mété ansanm. » 9 Mo ka di zòt ki sa-la ki ka divòrsé ké so madanm, sof si a pou roun péché sèksyèl, é i ka maryé ké rounòt madanm, a roun adiltèr i ka fè. » 12 Paské i gen moun ki kastré paské yé fèt konsa, i gen ròt, a moun ki kastré yé ; mé i gen moun ki ka désidé pa maryé akoz di rwayonm-an ki annan syèl-a. Si roun moun pouvé asèpté sa, a pou i asèpté l’. 16 É gadé rou jennjan vini òbò l’ é i doumandé li : Ansényan, ki bon bagaj mo divèt fè pou mo gen lavi pou tout-tan ? 21 Jézi réponn li : « Si to lé vin parfè, alé vandé tousa to gen é bay maléré-ya, é to ké gen roun trézòr annan syèl-a. Épi vini, swiv mo. » 26 Jézi gadé yé anmitan wéy, épi i di yé : « Pou wonm-yan, sa pa posib, mé pou Bondjé tout bagaj posib. » 27 Alòr Pyèr di : « Gadé ! Nou lésé tout bagaj épi nou swiv to. Kisa nou ké gen ?