Luc

21 Lò i lévé so wéy, i wè moun ki té rich ki té ka mété yé ofrann annan bwèt pou mété ofrann-yan annan Trézòr-a. 2 Apré sa, i wè roun vèv ki té maléré mété dé ti pyès ki pa gen bokou valò. 3 I di : « Vréman, mo ka di zòt ki sa vèv maléré-a mété plis ki tout ròt moun-yan. 4 Paské yé tout mété sa yé pa té bézwen, mé li menm, ki maléré, i mété tousa i té gen pou i viv. » 9 Épi, lò zòt ké tandé palé di lagèr ké dézòrd, pa pè. Paské a pou sa bagaj-ya rivé anvan. Mé lafen-an pa ké vini lanmenm. » 10 Atò i di yé : « Roun nasyon ké lévé kont rounòt nasyon, é roun rwayonm kont rounòt rwayonm. 11 I ké gen gran tranblémandétèr é, roun koté apré ròt, lafamin ké épidémi. Moun-yan ké wè bagaj ki ké fè yé pè ké gran sign ki ka vini di syèl-a. 12 « Mé anvan tout sa bagaj-ya rivé, yé ké arété zòt é yé ké pèrsékité zòt : yé ké mennen zòt annan sinagòg-ya é yé ké mété zòt lajòl. Yé ké mennen zòt douvan rwa ké gouvèrnèr akoz di mo non. 15 paské mo ké di zòt sa pou zòt di é mo ké bay zòt sajès, konsa menm zòt lèlmi-ya yé tout ansanm pa ké pouvé ni plédé ké zòt ni réponn zòt. 19 Paské zòt ka kontinyé tchenbé, zòt ké sové zòt lavi. 20 « Mé, lò zòt ké wè larmé-ya baré Jérizalèm, a pou zòt savé ki i pa ka rété bokou tan ankò pou yé krazé l’. 21 Donk, a pou tout sa ki ka rété Jidé koumansé kouri alé séré pa bò d’ montangn-yan, a pou tout sa ki ka rété Jérizalèm soti é tout sa ki andèrò Jérizalèm pa routounen annan vil-a. 22 Paské pannan sa jou-ya, jistis gen pou fèt, pou tout bagaj ki ékri fèt. 23 Pannan sa jou-ya, a pa ti rèd sa ké rèd pou madanm-yan ki ansent, ké sa-ya ki ké bay tété ! Paské péyi-a ké soufri bokou é Bondjé ké pini sa pèp-a. 24 Yé ké tonbé anba kout zépé é yé ké mennen yé kou prizonyé annan tout nasyon-yan. É nasyon-yan ké maché asou Jérizalèm jouktan tan yé bay nasyon-yan fini. 26 Latranblad ké pran moun-yan afòrs yé ké pè toupannan yé ka antann sa ki pou rivé asou latè-a, paské pwisans-ya ki annan syèl-a ké chalviré. 27 Atò yé ké wè Pitit wonm-an vini annan roun niyaj ké pwisans épi ké bokou laglwar. 28 Mé lò sa bagaj-ya ké koumansé rivé, mété zòt kò byen dibout épi lévé zòt tèt, paské zòt délivrans ka vin. 31 Menm fason-an, lò zòt ké wè sa bagaj-ya rivé, savé ki rwayonm Bondjé-a pròch. 34 « Mé véyé zòt kò, pou zòt tchò pa divini lou afòrs zòt manjé tròp, zòt bwè tròp é akoz di traka lavi-a, é pou sa jou-a pa yenki vini anlè zòt rounsèl kou konsa 35 kou roun trap. Paské i ké vini asou tout moun ki asou latè-a. 36 Donk, pa dronmi é sipliyé toulong, pou zòt rivé chapé anba tout sa bagaj-ya ki pou rivé, é pou zòt dibout douvan Pitit wonm-an. »