Éphésiens

7 Paské so Pitit péyé ranson-an, nou lib, grasa so disan, wi Bondjé ka pardonnen nou fot, soulon so gran favèr nou pa mérité-a. 8 Bondjé montré nou sa favèr nou pa mérité-a, plizanplis, ké sajès ké entélijans 9 lò i fè nou konnèt sigré ki sen-an asou so volonté. A soulon sa i kontan-an i désidé 10 dirijé bagaj-ya é sa ké rivé lò tan-an Bondjé prévwè ké bout, pou mété tout bagaj ansanm grasa Kris, bagaj-ya ki annan syèl-a ké bagaj-ya ki asou latè-a. Wi, grasa Kris, 11 é nou ansanm ansanm ké li, é Bondjé chwazi nou kou érityé, i chwazi nou alavans soulon so projè, li menm ki ka fè tout bagaj kou i ka désidé fè l’ soulon so volonté, 15 A pou sa, mo menm osi, dipi mo tandé palé di zòt lafwa annan Sényèr Jézi é di lanmou zòt ka montré pou tout sa-ya ki sen, 16 mo pa ka arété di Bondjé mèrsi pou zòt. Mo ka kontinyé palé di zòt annan mo lapriyè, 18 I ka louvri wéy zòt tchò, pou zòt rivé konprann ki kalité èspérans i bay zòt, pou zòt konprann ki bèl éritaj plen ké laglwar i mété asou koté pou sen-yan 22 I mété tout bagaj anba so otorité osi é i mété l’ chèf asou tout bagaj annan asanblé-a,