Psaume
56 Bay mo to favèr, o Bondjé, paské moun ka ataké mo. Tout lajournen, yé pa ka las briga ké mo épi malmennen mo. 2 Pannan tout lajournen, mo lèlmi ka chaché tchenbé mo ; roun patché moun arogan ka briga ké mo. 3 Lò mo pè, a to mo ka fè konfyans. 4 A Bondjé mo ka fè konfyans, sa-la mo ka louwé so paròl ; mo pa pè. Kisa roun moun kou mo menm pouvé fè mo ? 8 To ka pran tan gadé chak fwa mo ka maché san mo pa savé koté mo k’alé. Mété mo dlo wéy annan to boutèy ki fèt ké lapo. Ès yé tout pa marké annan to liv ? 9 Jou mo ké aplé to pou to idé mo, mo lèlmi ké bat dèyè. Men sa mo sir : Bondjé la ké mo. 11 a Bondjé mo ka fè konfyans ; mo pa pè. Kisa roun moun pouvé fè mo ? 12 Mo oblijé rèspèkté promès mo fè to, o Bondjé, mo ké bay to sakrifis pou di to mèrsi. 13 Paské to sové mo, sinon mo té ké mouri é to anpéché mo pyé bité, pou mo pouvé maché douvan Bondjé annan limyèr-a ki ka kléré sa-ya ki vivan.