Proverbes

8 Ès a pa sajès-a ki ka rélé ? Ès a pa entélijans-a ki ka palé fò ? 2 I ka mété so kò koté ki rot, òbò larout-a, annan krwazman lari-ya. 3 Bò d’ lapòt vil-a, annan antré vil-a, i la ka kontinyé rélé byen fò : 4 « Moun-yan, a zòt mo ka aplé, a pou zòt mo ka palé ! 10 Asèpté mo disiplin pasé zòt asèpté arjan-an, chwazi konésans-a pasé zòt chwazi lò ki fin menm. 18 Koté mo i gen larichès ké lagwar, larichès pou tout-tan ké lajistis. 22 Jéova fè mo an prémyé lò i koumansé fè tout bagaj. Annan tousa i fè tan lontan, a mo ki prémyé. 27 Lò i préparé syèl-a, mo té la. Lò i fè lorizon-an asou dlo-a, 30 mo té òbò li kou roun ouvriyé ki ka travay byen. Chak jou, mo té sa-la ki té ka bay li plis tchò kontan. Mo té toujou kontan lò mo té douvan li ; 31 Mo tchò té kontan lò mo té ka gadé so latè i té kréyé pou moun viv asou l’, é mo té èspésyalman kontan pitit wonm-yan. 32 Aprézan mo pitit-ya, kouté mo, wi, sa-ya ki ka fè sa mo ka di, yé tchò kontan. 33 Kouté disiplin-an é divini saj ; pa jen méprizé l’. 35 Pas sa-la ki ka jwenn mo ké gen lavi, é Jéova ka bay li so favèr.