Romains
3 Ouben ès zòt pa savé ki nou tout ki batizé annan Jézi Kris, yé batizé nou annan so lanmò ? 5 Si nou ansanm ké li annan menm kalité lanmò i trapé, asiré pa pitèt nou ké ansanm ké li annan menm kalité rézirèksyon-an. 6 A vré, nou savé ki yé klouwé nou vyé pèrsonalité asou poto-a ké li, pou nou kò ki plen ké péché pédi so fòrs, pou nou pa èsklav péché-a ankò. 7 Paské sa-la ki mouri péyé pou so péché. 10 Pas lò i mouri, i mouri rounsèl kou pou tout-tan pou tiré péché-a, mé aprézan i vivan, i ka viv pou Bondjé. 12 Donk, pa lésé péché-a kontinyé koumandé zòt kò ki pouvé mouri é pa lésé l’ fè zòt kouté anvi zòt gen. 17 Mé mèrsi Bondjé ! Paské pannan roun tan zòt té èsklav péché-a, mé aprézan zòt ka obéyi modèl ansèyman yé bay zòt-a ké tout zòt tchò. 18 Wi, kou yé libéré zòt di péché-a, zòt divini èsklav sa ki drèt. 23 Pèyman péché-a, a lanmò, mé kado Bondjé ka bay-a, a lavi pou tout-tan-an grasa Jézi Kris nou Sényèr.