Jean

3 Men sa ki sa lavi pou tout-tan-an : a pou yé anprann konnèt to, to ki sa sèl vré Bondjé-a, ké sa-la to voyé-a, Jézi Kris. 4 Mo glorifyé to asou latè-a, mo fini travay to bay mo fè-a. 5 É aprézan, Papa, bay mo menm laglwar mo té gen òbò to anvan monn-an té fèt. 6 « Moun-yan to bay mo ki té annan monn-an, mo fè yé konnèt to non. Sa moun-yan té di to é to bay mo yé, épi yé kouté to paròl. 11 « Mo pa annan monn-an ankò, mé yé menm yé annan monn-an, é mo, mo ka vini òbò to. Papa, to ki sen, gadé pou yé akoz di to non, non to bay mo-a, pou yé fè roun menm fason nou toulédé ka fè roun. 15 « Mo pa ka doumandé to fè yé soti annan monn-an, mé mo ka doumandé to véyé asou yé paské méchan-an la. 16 Yé pa ka fè parti di sa monn-an, kou mo menm mo pa ka fè parti di sa monn-an. 17 Sanktifyé yé ké lavérité ; to paròl sa lavérité. 20 A pa pou yé sèlman mo ka priyè, mé mo ka priyè osi pou sa-ya ki ké gen lafwa annan mo, grasa sa yé ké ansényé, 21 pou yé tout fè rounsèl, menm fason to menm, Papa, to ansanm ké mo é mo ansanm ké to. Mo ka priyè pou yé ansanm ké nou osi, pou sa monn-an sir ki a to ki voyé mo. 22 Mo bay yé laglwar to bay mo-a, pou yé tout fè rounsèl, menm fason nou toulédé ka fè rounsèl. 26 Mo fè yé konnèt to non é mo ké fè yé konnèt li, konsa, lanmou to gen pou mo ké asou yé osi, é mo menm, mo ké ansanm ké yé. »