Jude

1 Mo menm Jid, roun èsklav Jézi Kris é frè Jak, mo ka ékri pou moun-yan Bondjé aplé, sa-ya Bondjé, Papa-a, kontan é ki i protéjé pou Jézi Kris : 3 Zòt mo byen kontan-an, a vré ki mo té byen désidé ékri zòt asou fason nou tout ké sové, mé mo wè ki i té pi bon ékri pou ankourajé zòt briga ké tout zòt fòrs pou lafwa sen-yan rousouvwè rounsèl fwa pou tout-tan. 4 Sa ki fè mo ékri zòt, a ki roun ran wonm ki Ékritir-ya té kondané dipi lontan, antré tou dousman anmitan zòt. A wonm ki pa ka rèspèkté Bondjé, yé ka pran favèr nou Bondjé nou pa mérité-a sèrvi èskiz pou gen vyé kondwit san ronté. Yé ka trayi sèl moun-an ki sa nou mèt é ki sa nou Sényèr, Jézi Kris. 7 Menm fason-an, Bondjé pini Sodòm ké Gomòr ké vil-ya a yé lantou, ki fè bagaj sèksyèl malpròp ki sal menm é ki chaché fè sa yé lachè té anvi fè di roun fason ki pa natirèl. Yé pinisyon, a té roun difé ki pa ka jen étenn ; a pou sa yé sa roun èkzanp pou avèrti nou. 8 Magré sa, sa mouché-ya toujou ka imajiné yé kò ka fè mové bagaj, yé ka sali ni yé kò ni kò ròt-ya, yé ka méprizé sa-ya ki gen otorité é yé ka malpalé sa-ya nou divèt rèspèkté. 9 Mé, lò Arkanj Michèl jwenn roun problèm ké Djab-a é té ka plédé parapòrta kò Moyiz, i pa menm sonjé jijé li, pasé sa i di : « A pou Jéova korijé to ! » 12 Sa mouché-ya, a gro ròch ki séré anba dlo lò zòt ka fè lafèt pou montré zòt lanmou pou zòt konpanyen, lò yé ka manjé ké zòt ; a bèrjé ki ka nouri yé kò yé menm san yé pa pè ; a niyaj ki pa gen dlo ki van-an ka charyé toupatou ; a pyébwa ki pa gen frwi  lò a pou yé bay frwi, ki mouri dé fwa é ki yé raché ; 13 yé kou lanmè-a ki mové ki ka tchoumen, yé ka mété tout bagaj ki ka fè yé ronté, dèrò ; a zétwèl ki pa gen chimen, ki yé mété asou koté pou yé toujou rété annan soukou dou. 16 Sa wonm-yan, a dé moun ki ka rounourounou, ki ka plenn yé kò akoz di sa ki ka rivé yé annan yé lavi, é ki ka chaché fè yé kò plézi ; ké yé bouch yé ka voyé yé kò monté toupannan yé ka flaté moun-yan pou yé profité anlè yé. 18 yé té ka di zòt : « Pannan dèrnyè jou-ya, i ké gen moun ki ké ari zòt é ki ké chaché swiv yé pròp anvi fè bagaj ki pa jis. » 20 Mé zòt mo kontan-an, a pou zòt divini pi fò grasa zòt lafwa ki vréman sen, épi priyè ké lèspri sen-an, 21 pou zòt rété annan lanmou Bondjé, toupannan zòt ka antann mizérikòrd nou Sényèr Jézi Kris, mizérikòrd ki ka fè nou gen lavi pou tout-tan-an. 24 Aprézan, sa-la ki pouvé anpéché zòt tonbé é idé zòt tchenbé dibout san zòt pa gen pyès tach épi ké bokou lajwa douvan so laglwar, 25 sèl Bondjé-a ki ka sové nou grasa Jézi Kris nou Sényèr, a pou i gen laglwar, majèsté, pwisans ké pouvwar dipi tout-tan, aprézan é pou tout-tan ! Anmèn !