Psaume

2 Jéova sa mo gro ròch, koté mo an sékirité, ké sa-la ki ka sové mo. Mo Bondjé sa mo gro ròch, sa-la koté mo ka alé séré, i sa mo boukliyé ké kòrn-an ki ka sové mo, roun koté mo vréman an sékirité. 6 Annan tout mo malò, mo priyè Jéova ; a mo Bondjé mo té ka rélé pou i sové mo. I tandé mo vwa dipi so tanp é so zorè tandé lò mo rélé pou i sové mo. 25 Ké moun-an ki fidèl, to ka aji ké fidélité. Ké moun-an ki drèt annan tousa i ka fè to ka aji menm fason-an ké li ; 29 Grasa to, mo pouvé ataké roun bann volèr ; grasa pwisans Bondjé, mo pouvé monté asou roun miray. 32 Vré Bondjé-a, a li ki ka bay mo fòrs, é i ké fè mo chimen vin drèt. 35 To ka bay mo to boukliyé pou i protéjé mo, to ka soutni mo ké to lanmen drèt é to imilité ka fè mo divini roun moun ki enpòrtan. 39 To ké bay mo fòrs pou briga, to ké fè mo lèlmi tonbé douvan mo. 46 Jéova vivan ! A pou tout moun louwé mo gro Ròch ! A pou yé bay Bondjé ki ka sové mo-a, laglwar !