Genèse

3 Annan tout bèt danbwa Jéova té fè, sèrpan-an té sa-la ki té ka fè pi atansyon. I doumandé fanm-an : « Ès a vré ki Bondjé di ki zòt pa divèt manjé frwi pyès pyébwa annan tout jarden-an ? » 2 Fanm-an réponn sèrpan-an : « Nou pouvé manjé tout frwi pyébwa ki annan jarden-an. 3 Mé pou zafè manjé frwi pyébwa-a ki anmitan jarden-an, Bondjé di : “Zòt pa divèt manjé so frwi, non, zòt pa divèt manyen l’, sinon zòt ké mouri.” » 4 Mé, sèrpan-an di fanm-an : « Zòt pa ké mouri pyès. 5 Paské Bondjé savé ki, jou-a zòt ké manjé sa frwi-a, zòt wéy ké louvri é zòt ké kou Bondjé : zòt ké konnèt sa ki bon ké sa ki mové. » 6 Alòr fanm-an wè ki frwi pyébwa-a té bon pou manjé é ki a té roun bèl pyébwa pou gadé. Donk, i pran roun frwi é i manjé annan l’. Apré sa, i bay so mari osi lò i té ké li, é i manjé l’. 14 Alòr Bondjé Jéova di sèrpan-an : « Paské to fè sa, mo ka modi to parmi tout zannimo kaz é parmi tout zannimo sovaj-ya. To ké ralé asou to vant é a lapousyè to ké manjé pannan tout to lavi. 15 Mo ké fè zòt rayi zòt konpanyen, to ké fanm-an, é to désandans ké so désandans. I ké krazé to tèt, é to ké blésé so talon. » 19 To ké swé pou to manjé jistan to viré annan latè, paské a sa yé pran pou fè to. To sa lapousyè é to ké viré lapousyè. » 22 Apré sa Bondjé Jéova di : « Men wonm-an divini kou nou menm annan zafè konnèt sa ki byen ké sa ki mové. Aprézan, pou i pa lonjé so lanmen pou pran frwi pyébwa-a ki ka bay lavi, pou i pa manjé frwi-a é pou i pa viv pou tout-tan… » 23 Alòr Jéova mété l’ dèrò di jarden Édèn-an pou i kiltivé latè koté i té soti-a.