Proverbes

6 Alé gadé fronmi-a, to ki fenyan ; gadé byen sa i ka fè é divini saj. 7 Menmsi i pa gen ni koumandan, ni chèf, ni moun pou dirijé l’, 8 i ka préparé so manjé pannan sézon botan, i ka plen so gardmanjé pannan rékòlt-a. 9 Fenyan, konmyen tan to ké rété kouché toujou ? Kitan to ké arété dronmi ? 10 Roun ti dronmi, roun ti chodé wéy, roun ti krwazé bra pou pozé, 11 é to ké vin maléré rounsèl kou, épi mizè ké tonbé asou to kou roun moun ki armé. 16 I gen sis bagaj Jéova rayi, wi sèt bagaj i rayi menm : 17 wéy ki ka méprizé ròt-ya, roun lang ki ka manti ké lanmen ki ka tchwé moun ki pa fè anyen, 18 roun moun ki ka kalkilé annan so tchò pou fè mové bagaj, roun moun ki ka kouri pou i fè mové bagaj, 19 roun moun ki ka manti pasé kisa, é roun moun ki ka fè frè briga ké yé konpanyen. 27 Ès roun moun pouvé mété difé asou so lèstomak san i pa boulé so lenj ? 28 Ouben ès roun moun pouvé maché asou difé charbon san i pa boulé so pyé ?