Actes

19 Apré sa, pannan Apolos té Korent, Pòl pasé anmitan péyi-a épi i désann Éfèz. I trouvé déztrwa disip, 2 é i doumandé yé : « Ès zòt rousouvwè lèspri sen-an lò zòt koumansé krè annan Bondjé ? » Yé réponn li :  « Mé nou pa menm tandé di ki i té gen roun lèspri sen. » 3 I di yé : « Ki batenm zòt pran ? » Yé réponn li : « Batenm Jan-an. » 4 Pòl èspliké yé : « Batenm Jan fè-a, a té pou moun montré ki yé té ka répanti, é i té ka di pèp-a krè annan sa-la ki té ké vin apré li, sa lé di Jézi. » 5 Lò yé tandé sa, yé alé pran batenm-an o non di Sényèr Jézi. 8 Pannan trwa mwa, a ké kouraj i palé annan sinagòg-a ; i té ka fè diskour épi i té ka bay moun prèv pou idé yé krè sa i té ka di asou rwayonm Bondjé-a. 9 Mé i té gen roun ran annan yé, yé tèt té dou é yé pa té lé krè, épi yé té ka malpalé asou Chimen-an douvan tout moun. Akoz di sa, i pran so bò é i mennen disip-ya ké li. É touléjou, i té ka fè diskour annan lékòl Tiranis. 10 Sa fèt pannan dé lannen, é a konsa ni Jwif, ni Grèk, yé tout ki té annan provens Azi-a, yé tandé paròl Sényèr-a. 19 Wi patché moun annan sa ki té fè lamaji, mété tout yé liv ansanm épi yé boulé yé douvan tout moun. Yé konté konmyen soumaké sa té ka fè : 50 000 pyès lanmonnen an arjan. 20 A konsa, yé té ka kontinyé di paròl Jéova-a tout koté é i té ka vin plizanpli fò. 23 Annan sa lépòk-a, a pa ti dézòrd i koumansé gen parapòrta Chimen-an.