Jean

8 Sa ka bay mo Papa laglwar lò zòt ka kontinyé bay bokou frwi épi lò zòt ka montré ki zòt sa mo disip. 9 Kou Papa-a montré i té kontan mo, mo montré mo té kontan zòt osi ; rété annan mo lanmou. 10 Si zòt ka obéyi mo koumannman, zòt ké rété annan mo lanmou, menm fason mo obéyi koumannman Papa-a é mo ka rété annan so lanmou. 12 Men mo koumannman mo ka bay zòt : a pou zòt kontan zòt konpanyen, menm fason mo té kontan zòt. 13 Pésonn pa gen pi gran lanmou ki sa-la ki ka bay so lavi pou so zanmi. 14 Zòt sa mo zanmi si zòt ka fè sa mo ka koumandé zòt fè. 15 Mo pa ka aplé zòt èsklav ankò, paské roun èsklav pa savé sa so mèt ka fè. Mé mo aplé zòt mo zanmi, paské mo fè zòt savé tousa mo tandé koté mo Papa. 17 « Mo ka bay zòt sa lòrd-a pou zòt kontan zòt konpanyen. 18 Si monn-an rayi zòt, zòt savé ki i ja rayi mo anvan i rayi zòt. 19 Si zòt té ka fè parti di monn-an, monn-an té ké kontan sa ki di li. Mé kou zòt pa ka fè parti di monn-an, mé ki mo chwazi zòt anmitan monn-an, a pou sa monn-an rayi zòt. 20 Sonjé sa mo di zòt : Roun sèrvitèr pa pi gran pasé so mèt. Si yé pèrsékité mo, yé ké pèrsékité zòt osi ; si yé fè sa mo anprann yé, yé ké fè sa zòt ké anprann yé osi.