Hébreux

12 Atò, nou menm osi, kou nou gen roun patché témwen òbò nou, annou jité tout fardo ké péché-a ki pouvé vitman anpéché nou vansé, épi annou kouri lakours yé mété douvan nou-a san nou pa janmen fébli, 2 toupannan nou ka gardé nou wéy asou Gid ké Chèf di nou lafwa é Sa-la ki ka randé nou lafwa parfè : Jézi. Paské i té savé i té ké gen tchò kontan, i andiré soufrans asou roun poto, i pa té mélé ké pyès ronté, é i asiz a drèt di tronn Bondjé. 3 Wi, byen réfléchi asou èkzanp sa-la ki sipòrté sa kantité paròl méchan moun péchèr voyé anlè l’, paròl ki té ka kondané yé pròp kò ; konsa, zòt pa ké las é zòt pa ké anbandonnen. 5 É zòt bliyé konsèy Bondjé ka bay zòt nèt, kou roun papa ki ka palé pou so pitit : « Mo pitit, pa méprizé korèksyon Jéova ka bay to, é pa dékourajé lò i ka babyé to ; 6 paské Jéova ka korijé sa-ya i kontan, wi, i ka fwété tout sa i ka rousouvwè kou so pitit. » 7 Zòt bézwen andiré paské a konsa osi Bondjé ka korijé zòt. Bondjé ka trété zòt kou so pitit. Paské, ki pitit so papa pa ka korijé ? 10 Paské yé menm, yé korijé nou pannan roun tan, dapré sa ki té ka parèt bon pou yé, mé li menm, i ka korijé nou pou nou byen, pou nou divini sen kou li menm. 11 A vré, i pa gen pyès korèksyon ki ka fè nou tchò kontan lò yé fin bay nou l’, mé i pito ka fè nou lapenn ; mé apré, i ka fè sa i fòrmé-ya maché drèt annan lapè. 13 épi kontinyé maché drèt asou bon chimen-an, pou léta sa-ya ki ka bwété pa vin pi mové, mé pito pou yé géri. 16 véyé osi pou i pa gen pyès moun koté zòt ki ka fè imoralité sèksyèl ouben ki ka méprizé bagaj-ya ki sen, kou Ézayu, ki bay drwa i té gen paské i té sa prémyé pitit-a pou i té gen rounsèl pla manjé. 22 Mé zòt vini òbò montangn Syon-an é òbò vil Bondjé ki vivan-an, Jérizalèm ki annan syèl-a, é òbò rounlo patché zanj 26 Annan sa lépòk-a, so vwa fè latè-a tranblé, mé aprézan, men sa i promèt : « Sa kou-a ankò, mo ké soukouyé ni latè-a ni syèl-a. » 27 Mé lò i ka di « rounòt kou ankò », sa lé di ki i ké krazé sa i soukouyé-a, bagaj ki fèt, pou sa i pa soukouyé kontinyé èkzisté. 28 Donk, kou nou divèt rousouvwè roun rwayonm pyès bagaj pa pouvé soukouyé, annou kontinyé profité di favèr nou pa mérité-a, favèr ki ka pèrmèt nou bay Bondjé roun sèrvis sakré i pouvé asèpté, ké lakrent ké bokou rèspè. 29 Paské nou Bondjé sa roun gro difé ki ka boulé tout bagaj.