Isaïe

2 Lò to ké janbé dlo-ya, mo ké la ké to, é flèv-ya pa ké kouvri to. Lò to ké maché anmitan difé, i pa ké boulé to, é flanm difé-ya pa ké rousi to lapo. 4 Paské to vin gen bokou valò pou mo, mo bay to lònò é mo kontan to. A pou sa, mo ké pran moun ké nasyon pou yé ranplasé to, pou mo sové to lavi. 5 Pa pè, paské mo la ké to. Mo ké fè pitit di to pitit vini dipi lès é mo ké fè yé soti di lwès pou rasanblé yé. 9 A pou tout nasyon-yan rasanblé annan roun menm koté é a pou pèp-ya rasanblé. Kimoun annan yé pouvé di sa ? Ès yé pouvé fè nou tandé prémyé bagaj-ya ? A pou yé fè yé témwen vini pou yé montré yé gen rézon, ouben a pou ròt moun tandé épi di : « A lavérité ! » 10 Men sa Jéova ka di : « Zòt sa mo témwen, wi, sèrvitèr mo chwazi-a, pou zòt konnèt mo é pou zòt gen lafwa annan mo, é pou zòt konprann ki mo pa chanjé. Anvan mo, i pa gen pyès Bondjé ki fèt, é apré mo non plis. 11 Mo, mo sa Jéova, é a mo sèlman ki pouvé sové zòt. » 12 « Lò i pa té gen pyès ròt bondjé anmitan zòt, a mo ki palé ké zòt, ki sové zòt é ki fè zòt savé sa. Donk, zòt sa mo témwen é a mo ki Bondjé, a sa Jéova ka di. 21 pèp-a mo fè pou mo menm, pou i louwé mo.