Hébreux

13 Kontinyé montré zòt frè ké sò ki zòt kontan yé. 2 Pa bliyé byen rousouvwè moun, pas a konsa roun ran rousouvwè zanj annan yé kaz san yé pa menm té savé. 3 Sonjé sa-ya ki lajòl, kousidiré zòt té ofon lajòl-a ké yé, épi sonjé sa-ya yé ka malmennen osi, paské zòt osi zòt annan roun kò fèt ké lachè. 4 A pou tout moun onoré maryaj-a, é a pa pou i gen pyès malpròpté asou lit moun maryé, paské Bondjé ké jijé sa-ya ki ka fè bagaj sèksyèl malpròp ouben adiltèr. 5 A pa pou zòt lésé zafè kontan soumaké gidé zòt annan fason zòt ka viv ; a pou zòt kontan ké sa zòt gen. Paské i di : « Mo pa ké jen lésé to, é mo pa ké jen lagé to. » 6 Konsa, plen ké kouraj, nou pouvé di : « Jéova ka sové mo ; mo pa ké pè. Kisa roun moun pouvé fè mo ? » 7 Sonjé sa-ya ki ka dirijé zòt, sa-ya ki di zòt paròl Bondjé-a, é, toupannan zòt ka byen gadé sa yé kondwit poté pou yé, imité yé lafwa. 8 Ayè, jòdla ké pou tout-tan, Jézi Kris sa menm moun-an. 9 Pa lésé pyès kalité ansèyman zòt pa konnèt bloublou zòt. Paské miyò tchò-a vin fò grasa favèr nou pa mérité-a pasé i vin fò grasa manjé-a, paské sa bagaj-ya pa ka poté anyen pou sa-ya ki ka bay yé bokou valò. 14 pas isi-a nou pa gen roun vil ki la pou tout-tan, mé nou ka chaché vil-a ki pou vini-a ké tout nou tchò. 15 Annou pasé pa li pou nou toujou bay Bondjé roun sakrifis louwanj, sa lé di paròl ki ka soti di nou bouch pou nou palé tout moun di so non. 16 Anplis di sa, pa bliyé fè sa ki byen é partajé ké ròt-ya, pas Bondjé kontan sa kalité sakrifis-ya. 17 Obéyi sa-ya ki ka dirijé zòt é soumèt zòt kò, pas a tout tan yé ka véyé asou zòt, kou wonm ki gen kont pou randé, pou yé fè sa ké tchò kontan é pa plenn yé kò, pas sa pa té ké bon pou zòt. 18 Kontinyé priyè toulong pou nou, pas nou sir nou gen roun bon konsyans, paské nou lé maché drèt annan tout bagaj nou ka fè. 22 Mo frè-ya, mo ka konséyé zòt kouté ké pasyans sa mo ka di pou ankourajé zòt, paské lèt-a mo ékri pou zòt kourt.