1 Timothée

5 É akoz di sa, wonm ki méchan é ki pa konnèt lavérité ka lévé blo ki pa jen ka fini asou bagaj initil. Yé ka pansé ki yé ké pouvé fè bénéfis si yé ka adoré Bondjé. 6 É a vré, adoré Bondjé ké fidélité ka poté bokou bénéfis si nou kontan ké sa nou gen. 7 Pas nou pa vini ké anyen annan monn-an, é nou pa pouvé alé ké pyès anyen non plis. 8 Donk si nou gen manjé pou manjé ké lenj pou mété, nou ké kontan ké sa bagaj-ya. 9 Mé sa-ya ki byen desidé divini rich ka tonbé annan tantasyon-an, annan roun trap, é annan patché anvi ki pa gen sans, ki danjéré é ki ka fè moun-yan tonbé annan dèstriksyon ké malò. 10 Paské kontan soumaké ka mennen tout kalité mové bagaj, é kou yé té ka fè tout bagaj pou gen soumaké, roun ran pédi chimen lafwa-a é yé krévé yé kò toupatou ké roun patché soufrans. 15 Sa-la so tchò kontan é ki sa sèl Souvéren-an ké montré tout moun so pouvwar lò moman-an ké rivé. I Rwa sa-ya ki ka dirijé ké Sényèr sa-ya ki ka dominé, 17 Di sa-ya ki gen bokou soumaké annan sa monn-an, pa fè ròklò é pa mété tout yé èspwar annan richès-ya ki pa la pou tout-tan, mé annan Bondjé, ki ka bay nou san konté tousa nou gen. 18 Di yé travay pou fè sa ki byen, fè bokou bèl bagaj, bay san konté, di yé toujou paré pou partajé ké ròt moun. 19 A konsa yé ké mété asou koté pou yé menm roun bèl fondasyon pou dimen, pou yé pouvé tchenbé vré lavi-a ké tout yé fòrs. 20 Timoté, tchenbé sa yé bay to-a, pa kouté diskour ki pa gen pyès valò é ki ka sali sa ki sakré, pa kouté sa yé ka aplé swadizan « konésans » mé ki pa gen pyès sans.