Plizyèr bagaj to pouvé étidyé to rounso ouben ké to fanmi

Nou ka rasanblé ké bokou moun pou nou adoré Jéova pannan nou réinyon-yan ké nou gran asanblé-ya é nou ka adoré l’ osi nou rounso ouben ké nou fanmi. Men plizyèr bagaj to pouvé étidyé to rounso ouben ké to fanmi :

• Préparé to kò pou réinyon-yan ké asanblé-a. To pouvé antréné to kò pou chanté kantik-ya épi idé chak moun annan to fanmi préparé roun répons pou yé bay.

• Li roun istwè annan Labib-a. Apré sa, fè roun désen pou réprézanté roun bagaj annan istwè-a ouben ékri roun bagaj to anprann.

• Étidyé lapriyè roun moun fè é ki annan Labib-a épi réfléchi asou fason sa pouvé idé to vin pi vayan annan zafè lapriyè.

• Gadé roun vidéyo asou jw.org épi kozé asou sa ké ròt moun ouben ékri sa to kontan ouben sa to anprann ké sa vidéyo-a.

• Préparé to kò pou préché, parèkzanp to pouvé fè kousidiré to té douvan roun moun.

• Byen gadé sa Jéova kréyé épi réfléchi asou sa sa ka anprann to asou li ouben kozé asou sa ké moun annan to fanmia.