Pou idé to étidyé

Anprann paròl nou chanté

« Lò mo ka santi kousidiré mo pa gen valò, Jéova ka sèrvi chanté i gen asou Télé JW pou ankourajé mo » (Lorraine, Étazini).

Krétyen-yan toujou chanté pou louwé Bondjé (Col. 3:16). Si to ka anprann sa chanté-ya, yé ké pouvé idé to jou-a to pa ké gen to liv pou chanté ni to aparèy élèktronik. Men sa to pouvé fè pou to rivé tchenbé yé :

• Pran tan byen li paròl-ya pou to konprann sa yé lé di. To pouvé sonjé roun bagaj pi fasilman si to ka konprann li byen. Paròl tout nou chanté ké chanté pou timoun-yan, disponib asou jw.org. To ké jwenn yé annan parti « Bibliothèque », annan « Musique ».

• Marké paròl chanté-ya. Si to ka fè sa, to ké rivé tchenbé paròl-ya pi byen (Deut. 17:18).

• Répété paròl-ya. Li ouben chanté kantik-a ouben chanté-a plizyèr fwa.

• Gadé wè sa to ka sonjé. Éséyé sonjé paròl-ya san to gadé to papyé épi gadé si to ka sonjé yé.