Kouman ou pouvé montré ki sa Jéova ké Jézi fè pou ou gen valò ?

Kisa ou ka rousanti lò roun zanmi ka bay ou roun bèl kado ? Asiré pa pitèt ou kontan toubonnman é ou lé montré ou zanmi ki sa kado-a gen valò pou ou. Jéova ké Jézi bay nou pi bèl kado nou té pouvé gen : ranson-an. Kouman nou pouvé montré ki ranson-an gen valò pou nou ?

1. Di ki fason nou pouvé montré ki sa Jéova ké Jézi fè pou nou gen valò ?

Labib-a ka promèt ki « tout moun ki ka montré yé lafwa annan [Jézi] » pouvé viv pou tout-tan (Jean 3:16). Mé kisa sa lé di montré so lafwa ? A pa sèlman krè annan Jézi. Nou divèt montré nou lafwa osi lò nou ka pran désizyon é dapré sa nou ka fè (Jacques 2:17). Lò nou ka montré nou lafwa dapré sa nou ka fè ké di, nou lanmityé ké Jézi é so Papa, Jéova, ka vin pi fò (li Jean 14:21).

2. Ki lévènman èspésyal ka idé nou montré nou rékonésans pou sa Jéova ké Jézi fè pou nou ?

Lannwit anvan i mouri, Jézi di pou so disip-ya sa yé té pouvé fè pou yé montré yé rékonésans pou so sakrifis. Jézi di yé rasanblé yé kò pou roun lévènman èspésyal ki Labib-a ka aplé « Répa Sényèr-a ». Nou konnèt li osi kou « Mémoryal lanmò Jézi » (1 Corinthiens 11:20). Sa lévènman èspésyal-a té ké pèrmèt apot Jézi, ké tout vré krétyen-yan ki té ké vini apré yé, sonjé ki Jézi bay so lavi pou nou. A pou sa i bay sa lòrd-a : « Kontinyé fè sa pou sonjé mo » (Luc 22:19). Lò nou k’alé annan Mémoryal-a, nou ka montré nou rékonésans pou tout lanmou Jéova ké Jézi gen pou nou.

ANNOU FOUYÉ ANNAN LABIB-A

3. Kisa nou pouvé fè pou montré nou rékonésans

Imajiné ou ka néyé épi roun moun ka vin sové ou. Ès ou té ké yenki bliyé sa sa moun-an fè pou ou ? Ouben ès ou té ké fè tousa ou pouvé pou montré ou rékonésans pou sa i fè.

A gras a sa Jéova fè pou nou ki nou gen èspwar viv pou tout-tan. Li 1 Jean 4:8-10, épi kozé asou sa késyon-yan :

• Poukisa sakrifis Jézi sa roun kado èspésyal ?

• Kisa ou ka rousanti lò ou ka anprann sa Jéova ké Jézi fè pou ou ?

Kouman nou pouvé montré ki sa Jéova ké Jézi fè gen valò pou nou ? Li 2 Corinthiens 5:15 ké 1 Jean 4:11 ; 5:3. Apré ou li chak vèrsé, kozé asou sa késyon-an :

• Dapré sa ou li, kisa nou pouvé fè pou nou montré nou rékonésans ?

4. Imité Jézi

Rounòt fason nou pouvé montré nou rékonésans, a lò nou ka imité Jézi. Li 1 Pierre 2:21, épi kozé asou sa késyon-an :

• Kouman nou pouvé byen swiv tras Jézi ?

5. Vini annan Mémoryal lanmò Jézi

Pou wè sa ki pasé annan prémyé Répa Sényèr-a, li Luc 22:14, 19, 20. Épi kozé asou sa késyon-yan :

• Kisa ki pasé annan Répa Sényèr-a ?

• Kisa dipen-an ké diven-an ka réprézanté ? (gadé vèrsé 19 ké 20).

Jézi té lé so disip-ya sélébré Répa Sényèr-a chak lannen lò a jou anivèrsèr so lanmò. A pou sa, chak lannen Témwen Jéova-ya ka rasanblé yé kò pou sonjé lanmò Jézi, kou Jézi di yé fè. Pou anprann bagaj asou sa réinyon-an ki enpòrtan, gadé VIDÉYO-a. Épi kozé asou sa késyon-an :

VIDÉYO : Sonjé sakrifis Jézi (1:41)

• Kisa ki ka pasé annan Mémoryal-a ?

Annan Mémoryal-a, dipen-an ka réprézanté kò parfè-a Jézi bay pou nou. Diven-an ka réprézanté so disan.

SA NOU WÈ

Nou ka montré ki sa Jézi fè gen valò pou nou lò nou ka montré nou lafwa annan li é lò nou k’alé annan Mémoryal so lanmò.

Kisa ou anprann

• Kisa sa lé di montré nou lafwa annan Jézi ?

• Kisa ou lé fè pou montré ou rékonésans pou sa Jéova ké Jézi fè pou ou ?

• Poukisa sa enpòrtan alé annan Mémoryal lanmò Jézi ?

SA OU POUVÉ TRAPÉ OSI

Kisa lanmò Kris-a ka pousé nou fè ?

Jézi itilizé so kò pou bay Jéova lònò (9:28)

Gadé a kisa ki lafwa é kisa ‘montré so lafwa’ lé di.

« Exerce ta foi dans les promesses de Jéhovah » (La Tour de Garde, òktòb 2016)

Gadé kouman lavi roun madanm chanjé lò i réfléchi asou ranson-an (istwè mo lavi : « Je me sens pure et j’aime la vie »).

« La Bible transforme des vies » (La Tour de Garde, 1^é out 2011)

Pannan Mémoryal-a, a sèlman kèk moun ki ka manjé dipen-an ké bwè diven-an. Poukisa ?

« Poukisa Témwen Jéova-ya pa ka sélébré Répa Sényèr-a kou ròt rélijyon-yan ? » (artik jw.org)