Pou idé to fè réchèrch

To pouvé itilizé zouti nou gen pou fè réchèrch annan Watchtower BIBLIYOTÈK ANLÈ SIT-A

Zouti nou gen pou fè réchèrch pouvé idé to anprann bokou bagaj asou plizyèr sijè. Annan sa zouti-ya i gen : Lexique ki annan La Bible. Traduction du monde nouveau, i gen osi liv Étude perspicace des Écritures, Guide de recherche pour les Témoins de Jéhovah ké Index des publications des Témoins de Jéhovah. Yé tout disponib an fransé asou Entèrnèt.

Gras a parti « Rechercher » annan Watchtower BIBLIYOTÈK ANLÈ SIT-A an fransé to ké pouvé itilizé zouti nou gen pou fè réchèrch. Lò to ka mété roun mo annan parti « Rechercher », bibliyotèk anlè sit-a an fransé ka propozé to plizyèr bagaj. Si mo to ékri-a ka èkzisté annan roun di sa zouti-ya pou fè réchèrch, to ké wè « Ouvrages de référence » marké bò d’ sa mo-a.

Éséyé fè sa : Ékri « Jéhovah » annan ti karé-a yé mété laro pou chaché roun bagaj (A). Apré sa, kliké asou « Jéhovah » koté to ka wè « Ouvrages de référence » marké bò d’ sa mo-a (B). To ké wè plizyèr rézilta ka parèt. Sa rézilta-ya ké vini di diféran zouti pou fè réchèrch.

Koté yé ka pèrmèt to « Chaché » annan « Watchtower BIBLIYOTÈK ANLÈ SIT-A ». Lèt A, a sa ki marké annan parti yé mété pou chaché roun bagaj. Lèt B, a « Ouvrages de référence » ki ka parèt bò d’ sa yé ka propozé anba parti pou chaché-a.