Taian Areru
Ana anene Tawita, ae e na riki bwa te bwai ni kauring.*
38 Iehova, tai boaai n unim,
Ke ni kaetai ni marakin nanom.+
2 Bwa e nano ewarau ni kanoan am kainikatebe,
Ao e taotaonai baim.+
3 E aoraki rabwatau ni kabane* ibukin unim.
Akea te rau i nanon riiu ibukin au bure.+
4 Bwa a riaon atuu au bure,+
N aron te uota ae rawawata ae I a aki kona uotau iai.
5 A a mwaung manekau ao a a buri
Ibukin nanobabau.
6 I a rawawata ao n taonaki n te bwarannano ae bati.
I ririaki ma te nanokawaki ni kabongnga.
8 E a mate bwain rabwatau ao I a kamanatuaaki raoi,
E kairai korakain nanou bwa N na ngirangira n takarua.*
9 Iehova, a mena i matam baika I tangiri ni kabane,
Ao e aki raba ikenrawau mairoum.
10 E tata buroou, ao e nako korakorau,
Ao e a kitanai ootani matau.+
11 A katinanikuai raoraou ao raou nako ibukin rekenikaiu,
Ao a kararoaai raoraou ni kaan.
12 A karerenai bwaai ni kamwane te koraki ake a ukoukora maiuu.*
A taetae n ekainako te koraki ake a kataia ni kaikoakai,+
A bairea mwamwanaan te aba ni kabongnga.
13 Ma N na aki ongo n aron te aomata ae bonotaninga,+
Ao N na aki kaurea wiu n aron te aomata ae baennewe.+
14 I a riki n ai aron te mwaane ae akea te bwai ae kona n ongo,
Ae akea te bwai ae e taekinna ni wina ni kaekaa bukinana.
16 Bwa I taku: “A bia aki kakatonga ibukin rawawatau,
Ke ni karietataia i aou ngkana e marannako waeu.”
17 Bwa N nangi bwaka,
Ao e mena irou marakiu n taai nako.+
19 Ma a marurung* ao a korakora akana kairiribai nakoiu,*
Ao a a rangi ni bati te koraki ake a ribaai n akea bukina.
20 A karaoa ae buakaka nakoiu ni kabooa mwin ae raoiroi,
Ao a kaitaraai ibukin ukoukoran te bwai ae raoiroi.
21 Tai kitanai ngkoe ae Iehova.
Te Atua, tai teimatoa n raroa mairou.+
22 Ko na bareiko ni buokai,
Ngkoe ae Iehova ae te tia kamaiuai.+