Zogè Kọ Ò Íèè Vulè Nè Tọa Ló Mm̀ O Lòbèl

1 Tẹ̀sàlónaikà 2:7, 8

GE KỌ́ MM̀ ŃKPULU BÁ: Ló bel mm̀ sĩ́deè ea zógè kọọ̀ nu eo gé kọ́ tọ́a ní ló, vaá ò náa kọọ̀ gbò e bà gé pãané ni tṍ ló á mòn kọ ò kil vá ló.

BÉ EO É NÁA NAA:

• Bugi togó boo gbò e bàé pãané ni tṍ ló. Kpoogá dee ló tení dú ló gè olòó kẽeé nyíè o bá gbò tã̀àgã̀ e bà gé téní bá. Pììga boo gè bugi togó boo bé ea tọ́a vá ló naa.

• Tú ọ̀ẹ̀ dẽe sààmà gbò bel eo é ló. Gbĩ́ gè naa kọọ̀ gbò e bà gé pãané ni tṍ ló á ié dĩ̀ìnè ló, nvèà nyíé gbàà, nè sìà kpóó ló. Ó gá dõogẽ ló gbò bel ea é kyẽ́ va, àbèè ge ló pọ́lọ́ bel ea kil ló gbò e bà náa ólò fã̀ Jìhóvà àbèè gbò nú e bà ziga ló.

• Zogè kọ ò íèè va lèèmá m. Naa kọọ̀ gbò e bà gé pãané ni tṍ ló á nyimá kọ ò bulàẹ̀ nu ea kil vá ló, tení dú ló íb mon nè bá eo lóòmà bel. Nyimá bé eo é sẹlẹ sĩ́ naa; olòó sẹlẹ sĩ́ mang.