Naa Kọọ̀ Loa Sọ́l Á Kyãa Boo Bá Ea Bọ́ló

Nú E Fílìp Beè Naa

VÍDIÒ: Fílìp Beè Kọ́ Kpẹ̀a Nè Gbálà Itiópìàa

1. Ẹ̀b VÍDIÒÍ, àbèè ò bugi Tóm 8:​30, 31. Vaá ò gbóó aalai gbò bíbví:

1. Mósĩ́ deè ní e Fílìp beè dààmà togó loa sọ́lá ẹ́?

2. Éé ní ea náa vaá níí beè dú kà lé sĩ́deè ge dààmà togó loa sọ́l nè ge noòmà kà-kà bel gbálàa ẹ́?

Éé Ní E Nóò Lọl Ló Fílìpe?

2. Be è sọtọ́ deè kọọ̀ bẹẹ loa sọ́l á kyãa boo kúu, àé náa kọọ̀ lóó nená á dĩ̀ìnà vaá di kpènà ló gè pãanetṍ ló lé kpẹ̀aí.

Nó Fílìp

3. Tẹlẹ̀ dẽé kẽ. Èé láá nyimá gã́bug nu ea kil ló nen tení dú ló bé ea tõo naa nè bé ea sẹlẹ sĩ́ naa. É kọọ̀ nená di kpènà ló gè zọ̀ ni loá bel? Òó láá dààmà togó gè kọ́ nú ea di mm̀ Kpá Káí nèe tení dú ló gè bĩináe kọọ̀, “Ò nyímà gé kọọ̀ . . . ?” Ó gá tãgĩ bá nen e bè náa gbĩ́ gè ló bel kọ á zọẹ̀ ni loá sọ́l.

4. Ié ĩ̀ìmà. Ó gá tuumá kọọ̀ òó íè ge kọẹ̀ nú ea di mm̀ kpá Káí nèe tẽ̀ènè tṍóá. Elá bànà tṍó ea bọ́ló kọbé ò láá kọ́ nèe mm̀ sĩ́deè ea lelà. Sìgà tṍó, níí é bĩ́íná kọ ó elá dọ̀ọ̀mà tṍó eo é kpáá zọ̀ẹ loá sọ́l.

5. Nyaaná bá ló o loa sọ́l. Nená é láá dààmà togó gè ló bel boo gbò nú e nóo beè ẹ̀bmà dẽe. Vóà naa, di kpènà ló gè kọ́ nú ea di mm̀ Kpá Káí ea é dọ bélè nèe, kọbèè àé bĩ́íná kọ ó ló bel boo dõona kà kà-kà bel ea di mm̀ Kpá Káí ea dú kele ló ní eo beè noo.