6 NU GÈ NÒ

Baatẽ́ Bé E Nen É Tú Dọ̀ Kpá Káí Eo Bugì Siimá Tóm Naa

Jọ́ọ̀n 10:33-36

GE KỌ́ MM̀ ŃKPULU BÁ: Ó gá dõogẽ bugi dọ̀ Kpá Káí lọ̀l vaá gbóó nyoone kpò ea bẽene. Pììga boo gè naa kọọ̀ gbò e bà gé pãané ni tṍ ló á mòn bé e dọ̀ Kpó Káí eo bugì gbááá ló bel eo gé ló naa.

BÉ EO É NÁA NAA:

Sà sìgà moǹ bel ea di gbàà vaá ò ló bel boo. Tṍó eo ni bugi dọ̀ Kpá Káí lọ̀l, baatẽ́ gbò moǹ bel ea di mm̀ kiẽ́e eo bugì ea palàge gbaá ló bel eo géè lò. Òó láá naa níí tení dú ló gè òòa boo gbò moǹ belá àbèè ge bĩiná gbò bíb ea é kólí bùlà gbò e bà gé pãané ni tṍ ló nyòòmà gbò moǹ belá.

Be à gá náa vaá ò tú dõòna kà gbò moǹ bel bààmà tẽ́ bug ea di nvéè dọ̀ Kpá Káíá, pììga boo kọọ̀ gbò e bà gé paané ni tṍ ló á mòn bé e gbò be eo gé ló gbááá ló gbò bel ea di Kpá Káí naa.
Nvèè kà mm̀ gá eo gbĩ́ì kọ á dọ bàlà kẽ. Be à íe bel eo beè lò ea náa vaá ò bugi dọ̀ Kpá Káí, palàge baatẽ́ bé e kiẽ́e eo bugìá nveè sãa kúm bel eo beè lò naa.

Ó gá kùb dẽè o Kpá Káí tṍó eo gé ló bel boo. Níí é nveè bá nè gbò e bà gé pãané ni tṍ ló kọ bàá mòn bé e bel eo lóò gbááá ló dọ̀ Kpá Káí eo bugì naa.
Baatẽ́ mm̀ sĩ́deè ea válí gè dã̀. Ó gá ló bel boo gbò gá e bè náa gbááá ló bel eo géè lò. Dẹ̀ẹ̀a boo gbò nu e gbò e bà gé pãane tṍ nyímá ea kil ló togó belá, ló bel boo áá gbò gá eo é tẹ́lẹ bàlà kẽ kọbé o bel õòa dẽe vaá bà dã́tẽ́ ló.