Quen é Deus?

Practicamente dende o principio da súa historia, os seres humanos adoraron moitos deuses. Pero a Biblia fala dun Deus que “é maior ca tódolos deuses” (2 Crónicas 2:4 [2:5, TNM]). Quen é ese Deus? E que o fai maior ca tódolos demais deuses que adora a xente? Nesta lección aprenderás o que este Deus quere que saibas del.

1. Cal é o nome de Deus e por que podemos estar seguros de que el quere que o coñezamos?

Na Biblia, Deus preséntase a si mesmo dicindo: “Eu, Iavé, este é o meu Nome” (le Isaías 42:5, 8). Iavé é a tradución dun nome hebreo que probablemente significa “El fai que chegue a ser”. Ese nome hebreo tamén pode traducirse como Xehová. El quere que coñezamos o seu nome (Éxodo 3:15). Por que podemos estar seguros? Porque na Biblia ese nome aparece máis de 7000 veces!a O nome Xehová perténcelle ó “único Deus verdadeiro” tanto no ceo como na terra (Xoán 17:3).

2. Que nos ensina a Biblia sobre Xehová?

De entre tódolos deuses que adora a xente, por que di a Biblia que Xehová é o único Deus verdadeiro? Por varias razóns. Xehová ten autoridade suprema e só el é o “Altísimo en toda a terra” (le Salmo 83:19 [83:18, TNM]). El é o Todopoderoso, o que significa que ten o poder para facer todo o que decida. Ademais é quen o creou todo: o Universo e a vida que hai na Terra (Xénese 35:11; Apocalipse 4:11). Xehová é o único que sempre existiu, e existirá para sempre (Salmo 90:2).

3. Deus ten moitos títulos pero un só nome

Para ver a diferenza entre o título e o nome dunha persoa, poñede o VÍDEO e logo comentade esta pregunta:

VÍDEO: Moitos títulos, pero un só nome (0:41)

• Que diferenza hai entre un título, como Señor, e un nome?

A Biblia recoñece que a xente adora moitos deuses e señores. Lede Éxodo 15:3, 11 e logo comentade esta pregunta:

• Quen é o máis grande “entre os deuses”?

4. Xehová quere que coñezas e uses o seu nome

VÍDEO: Ten Deus un nome? (fragmento) (3:11)

• Pensas que Xehová quere que se coñeza o seu nome? Por que?

Xehová quere que a xente use o seu nome. Lede Romanos 10:13 e logo comentade estas preguntas:

• Canta importancia ten usar o nome de Deus, Xehová?

• Como te sentes cando alguén lembra o teu nome e o usa?

• Como pensas que se sente Xehová cando usas o seu nome?

5. Xehová quere que te achegues a el

VÍDEO: Buscaba o Deus verdadeiro (8:18)

• Que efecto tivo en Soten aprender o nome de Deus?

Antes de facerte amigo de alguén o normal é que aprendas o seu nome. Lede Santiago 4:8a e logo comentade estas preguntas:

• A que te invita Xehová?

• Como che pode axudar coñecer e usar o nome de Deus a achegarte máis a el?

RESUMO

Xehová é o nome do único Deus verdadeiro. Quere que coñezamos e usemos o seu nome para que nos acheguemos a el.

Repaso

• Por que Xehová é diferente de tódolos demais deuses que adora a xente?

• Por que deberiamos usar o nome de Deus?

• Por que sabes que Xehová quere que te achegues a el?

INVESTIGA

Examina cinco razóns que temos para estar seguros de que Deus existe.

“Existe Deus?” (Artigo web)

Descubre por que é lóxico crer que Deus sempre existiu.

“Quen fixo a Deus?” (La Atalaya, 1 agosto 2014)

Aprende por que temos que usar o nome de Deus inda que descoñecemos como se pronunciaba orixinalmente.

“Quen é Xehová?” (Artigo web)

Importa como lle chamamos a Deus? Descubre por que podemos dicir que só ten un nome propio.

“Cantos nomes ten Deus?” (Artigo web)