Estuda cunha mente aberta

Cando nos poñemos a estudar, quizais nos preguntamos: “Que espero aprender?”. Pero temos que recordar que, aínda que pensemos que imos aprender certa cousa, isto non significa que Xehová non nos queira ensinar tamén outras. Entón, como podemos manter unha mente aberta ó estudar?

Ora por sabedoría. Pídelle a Xehová que che axude a entender o que el quere que aprendas agora (Sant. 1:5). Non te conformes co que xa sabes (Prov. 3:5, 6).

Permite que o poder da Palabra de Deus inflúa na túa vida. “A palabra de Deus é viva” (Heb. 4:12). Por iso, cada vez que a lemos pode ensinarnos algo novo e axudarnos de diferentes formas na nosa vida. Pero iso só é posible se a estudamos cunha mente aberta e recoñecemos que hai cousas que non sabemos e que necesitamos aprender da Biblia.

Valora todo o que Xehová che ensina. O seu alimento espiritual é coma “un banquete de boas talladas [ou de bos pratos]” (Is. 25:6). Evita saltarte “pratos” que cres que non che van gustar. Desta maneira, non só te beneficiarás senón que tamén desfrutarás moito do teu estudo.