En que etapa do camiño ó bautismo estás?
A NOSA VIDA CRISTIÁ
Escolle servir a Xehová
Se estás estudando a Biblia ou es un mozo que xa deu o paso de ser publicador, tes a meta de te bautizar? Por que deberías querer bautizarte? Porque a dedicación e o bautismo son o comezo dunha relación especial con Xehová (Sl 91:1). Ademais tamén levan á salvación (1Pe 3:21). Que pasos podes dar para seguir avanzando?
Asegúrate de que esta é a verdade. Cando teñas preguntas, investiga (Rm 12:2). Identifica os cambios que precisas facer e fainos motivado polo teu desexo de agradarlle a Xehová (Pr 27:11; Ef 4:23, 24). Óralle sempre para pedirlle a súa axuda. Podes estar seguro de que che dará as forzas e o apoio que precises por medio do seu poderoso espírito santo (1Pe 5:10, 11). Os esforzos que fagas ben pagarán a pena. Servir a Xehová é a mellor vida que hai! (Sl 16:11).
DESPOIS DE VER O VÍDEO O CAMIÑO Ó BAUTISMO, RESPONDE AS SEGUINTES PREGUNTAS:
Que dificultades tiveron que superar algúns para se bautizar?
Como podes chegar a ter a fe que precisas para dedicar a túa vida a Xehová?
Que motivou a algúns a dar os pasos necesarios para bautizarse?
Que bendición reciben os que escollen servir a Xehová?
Que significan a dedicación e o bautismo?