Yan Zabolotnyi/stock.adobe.com
ESTADE SEMPRE VIXIANTES!
O aumento da maldade no mundo. O que di a Biblia
A violencia causada polas bandas enche Haití. Os crimes violentos tamén causan moito sufrimento en Suráfrica, México e outros países de América Latina. Incluso en lugares onde a violencia diminuíu, as denuncias por delitos contra a propiedade provocan inseguridade e ansiedade na xente.
Que di a Biblia sobre a maldade que hai actualmente no mundo?
Que predixo a Biblia sobre a maldade?
A Biblia predixo que a maldade estaría incluída nun sinal que serviría para identificar a “parte final do sistema” (Mateo 24:3). Cando describía os sucesos que compoñen ese sinal, Xesús dixo:
“Ó aumentar a maldade, desaparecerá o amor da maioría” (Mateo 24:12).
A Biblia tamén predixo que “nos últimos días [as persoas] non terán autocontrol, serán feroces, non amarán o que é bo” (2 Timoteo 3:1-5, TNM). Estas características egoístas contribúen á maldade que vemos hoxe en día.
Pero hai razóns para ter esperanza. A Biblia promete que pronto acabará a maldade.
“Só un pouco máis, e os malvados xa non existirán; mirarás a onde estaban, e xa non estarán alí. Pero os mansos herdarán a terra e desfrutarán plenamente de abundante paz” (Salmo 37:10, 11, TNM).
Descubre boas razóns para confiar en que estes sucesos están cumprindo as profecías bíblicas e aprende máis sobre a mensaxe de esperanza da Biblia analizando os seguintes artigos.
“La esperanza real de un mañana mejor”