Xesús acabará coa delincuencia

Xesús sabe o que é sufrir a causa das inxustizas e os malfeitores. Foi acusado falsamente, golpeado ilegalmente, xulgado e condenado de forma inxusta, e executado dunha maneira moi dolorosa. Aínda que era inocente, de boa gana estivo disposto a sacrificar “a súa vida como rescate a cambio de moitas persoas” (Mateo 20:28; Xoán 15:13). Dentro de pouco, como Rei do Reino de Deus, traerá xustiza sobre toda a Terra e acabará coa delincuencia para sempre (Isaías 42:3).

A Biblia describe como será o mundo despois de que Xesús actúe:

• “Os malvados xa non existirán; mirarás a onde estaban, e xa non estarán alí. Pero os mansos herdarán a terra e desfrutarán plenamente de abundante paz” (Salmo 37:10, 11, TNM).

Como podemos demostrar o noso agradecemento polo que Xesús fixo e vai facer por nós? Unha maneira é aprendendo máis sobre “as boas noticias do Reino de Deus”, é dicir, sobre a mensaxe que el mesmo predicou (Lucas 4:43). Le o artigo “A verdade sobre o Reino de Deus”.