Entrada triunfal de Xesús en Xerusalén sobre un burro.

Demostran as profecías mesiánicas que Xesús foi o Mesías?

O que di a Biblia

Si. Cando estivo na Terra, Xesús cumpriu moitas profecías sobre “o Mesías, o Líder”, quen chegaría a ser o “salvador do mundo” (Daniel 9:25, TNM; 1 Xoán 4:14). Mesmo despois da súa morte, Xesús continuou cumprindo outras profecías mesiánicas (Salmo 110:1; Feitos 2:34-36).

Que significa “Mesías”?

O termo hebreo Maxíah (Mesías) e o seu equivalente en grego Kjristós (Cristo) significan “unxido”. Polo tanto, “Xesucristo” significa “Xesús o Unxido” ou “Xesús o Mesías”.

En tempos bíblicos, cando se escollía unha persoa para un posto de autoridade, adoitábase unxilo botándolle aceite sobre a cabeza (Levítico 8:12; 1 Samuel 16:13). Xesús foi escollido por Deus para ser o Mesías, unha posición de moita autoridade (Feitos 2:36). Pero, en vez de unxilo con aceite, Deus unxiu a Xesús con espírito santo (Mateo 3:16).

Podería máis dunha persoa cumprir as profecías mesiánicas?

Non. Ó igual que unha pegada dactilar só identifica unha persoa, o cumprimento das profecías da Biblia só sinalan un Mesías ou Cristo. Pero a Biblia advertiu: “Aparecerán falsos Mesías e falsos profetas, que farán grandes sinais e prodixios para desorienta-la xente, e, se fose posible, incluso os mesmos elixidos” (Mateo 24:24).

Podería aparecer o Mesías no futuro?

Non. A Biblia predixo que o Mesías sería un descendente do rei David de Israel (Salmo 89:4, 5 [89:3, 4, TNM]). Pero os rexistros xenealóxicos dos descendentes do rei David perdéronse. Parece ser que foron destruídos cando os romanos conquistaron Xerusalén no ano 70 n. e.a A partir dese momento xa non sería posible que ninguén demostrase ser descendente da familia do rei David. Pola contra, aínda que eses rexistros estaban dispoñibles no tempo de Xesús, ningún dos seus inimigos puxo en dúbida que fose descendente de David (Mateo 22:41-46).

Cantas profecías mesiánicas hai na Biblia?

Non é posible dicir con exactitude o número de profecías mesiánicas que hai na Biblia. A maneira de contar as profecías pode variar incluso en partes da Biblia que claramente se refiren ó Mesías. Por exemplo, Isaías 53:2-7 menciona varios detalles proféticos que se terían que cumprir no Mesías. Algunhas persoas poderían contar todo o relato como unha soa profecía, mentres que outras poderían contar cada detalle como unha profecía diferente.

Algunhas profecías mesiánicas que se cumpriron en Xesús

Feito	Profecía	Cumprimento
Descendente de Abraham	Xénese 22:17, 18	Mateo 1:1
Descendente de Isaac, fillo de Abraham	Xénese 17:19	Mateo 1:2
Da tribo israelita de Xudá	Xénese 49:10	Mateo 1:1, 3
Descendente do rei David	Isaías 9:6 (9:7, TNM)	Mateo 1:1
Fillo dunha virxe	Isaías 7:14	Mateo 1:18, 22, 23
Naceu en Belén	Miqueas 5:1 (5:2, TNM)	Mateo 2:1, 5, 6
Chamado Emmanuelb	Isaías 7:14	Mateo 1:21-23
Tivo comezos humildes	Isaías 53:2	Lucas 2:7
Asasinaron a nenos despois do seu nacemento	Xeremías 31:15	Mateo 2:16-18
Foi chamado para saír de Exipto	Oseas 11:1	Mateo 2:13-15
Foi coñecido como nazarenoc	Isaías 11:1	Mateo 2:23
Precedeuno un mensaxeiro	Malaquías 3:1	Mateo 11:7-10
Unxido como Mesías no ano 29 n. e.d	Daniel 9:25, TNM	Mateo 3:13-17
Recoñecido por Deus como o seu Fillo	Salmo 2:7	Feitos 13:33, 34
Tivo celo pola casa de Deus	Salmo 69:10 (69:9, TNM)	Xoán 2:13-17
Predicou as boas noticias	Isaías 61:1	Lucas 4:16-21
A súa predicación en Galilea foi coma unha gran luz	Isaías 8:23—9:1 (9:1, 2, TNM)	Mateo 4:13-16
Fixo milagres, igual que Moisés	Deuteronomio 18:15	Feitos 2:22
Falou de parte de Deus, igual que Moisés	Deuteronomio 18:18, 19	Xoán 12:49
Curou moitos enfermos	Isaías 53:4	Mateo 8:16, 17
Non tratou de ser o centro de atención	Isaías 42:2	Mateo 12:17, 19
Mostrou compaixón polos que sufrían	Isaías 42:3	Mateo 12:9-20; Marcos 6:34
Ensinou a xustiza de Deus	Isaías 42:1, 4	Mateo 12:17-20
Foi un moi bo conselleiro	Isaías 9:5, 6 (9:6, 7, TNM)	Xoán 6:68
Deu a coñecer o nome de Xehová	Salmo 22:23, SBG (22:22, TNM)	Xoán 17:26
Ensinou con exemplos	Salmo 78:2	Mateo 13:34, 35
Foi un líder	Daniel 9:25	Mateo 23:10
Moitos non creron nel	Isaías 53:1	Xoán 12:37, 38
Foi unha pedra de tropezo	Isaías 8:14, 15	Mateo 21:42-44
Rechazado polos humanos	Salmo 118:22, 23	Feitos 4:10, 11
Odiado sen motivo	Salmo 69:5 (69:4, TNM)	Xoán 15:24, 25
Aclamado ó entrar en Xerusalén sobre un burro	Zacarías 9:9	Mateo 21:4-9
Louvado polos nenos	Salmo 8:3 (8:2, TNM)	Mateo 21:15, 16
Veu no nome de Xehová	Salmo 118:26	Xoán 12:12, 13
Traizoado por un amigo	Salmo 41:10 (41:9, TNM)	Xoán 13:18
Traizoado por trinta moedas de pratae	Zacarías 11:12, 13	Mateo 26:14-16; 27:3-10
Os seus amigos abandonárono	Zacarías 13:7	Mateo 26:31, 56
Acusárono falsas testemuñas	Salmo 35:11	Mateo 26:59-61
Quedou calado fronte ós seus acusadores	Isaías 53:7	Mateo 27:12-14
Cuspíronlle	Isaías 50:6	Mateo 26:67; 27:27, 30
Golpeárono na cabeza	Miqueas 4:14 (5:1, TNM)	Marcos 15:19
Azoutárono	Isaías 50:6	Xoán 19:1
Non se defendeu cando o golpearon	Isaías 50:6	Xoán 18:22, 23
Gobernantes conspiraron contra el	Salmo 2:2	Lucas 23:10-12
Cravárono de mans e pés a un madeiro	Salmo 22:17 (22:16, TNM)	Feitos 5:30; Xoán 20:25
Botaron ás sortes a súa roupa	Salmo 22:19 (22:18, TNM)	Xoán 19:23, 24
Foi contado cos malvados	Isaías 53:12	Mateo 27:38
Foi insultado e desprezado	Salmo 22:8, 9 (22:7, 8, TNM)	Mateo 27:39-43
Estivo disposto a sufrir polos pecadores	Isaías 53:5, 6	1 Pedro 2:23-25
Parecería que Deus o abandonou	Salmo 22:2 (22:1, TNM)	Marcos 15:34
Déronlle de beber vinagre mesturado con fel	Salmo 69:22 (69:21, TNM)	Mateo 27:34
Tivo sede antes de morrer	Salmo 22:16 (22:15, TNM)	Xoán 19:28, 29
Confiou o seu espírito a Deus	Salmo 31:5 (31:6, TNM)	Lucas 23:46
Entregou a súa vida	Isaías 53:12	Marcos 15:37
Proporcionou o rescate para quitar o pecado	Isaías 53:12	Mateo 20:28
Non lle romperon ningún óso	Salmo 34:21 (34:20, TNM)	Xoán 19:31-33, 36
Foi traspasado	Zacarías 12:10	Xoán 19:33-35, 37
Enterrárono coma un rico	Isaías 53:9	Mateo 27:57-60
Foi resucitado	Salmo 16:10, SBG	Feitos 2:29-31
O seu traidor foi substituído	Salmo 109:8	Feitos 1:15-20
Sentouse á dereita de Deus	Salmo 110:1	Feitos 2:34-36

a A Cyclopedia de McClintock e Strong di: “É case seguro que os rexistros das tribos e familias xudías desapareceron na destrución de Xerusalén, e non antes”.

b O nome hebreo Emmanuel significa “Deus connosco” e describe moi ben o papel de Xesús como Mesías. A súa presenza e o que fixo na Terra demostraron que Deus está cos que o adoran (Lucas 2:27-32; 7:12-16).

c Ó parecer, o termo nazareno vén da palabra hebrea nétser, que significa “gromo”.

d Se queres coñecer máis detalles sobre a profecía da Biblia que predicía que o Mesías aparecería no ano 29 n. e., mira a nota 2 “Cando aparecería o Mesías?” do libro Desfruta da vida para sempre!, publicado polas testemuñas de Xehová e dispoñible en jw.org.

e Aínda que esta profecía aparece no libro de Zacarías, o escritor bíblico Mateo dixo que o “deixara escrito o profeta Xeremías” (Mateo 27:9). Parece ser que o libro de Xeremías se situaba ás veces de primeiro na sección das Escrituras chamada “os Profetas” (Lucas 24:44). Ó parecer, Mateo usou o nome “Xeremías” para referirse a todo este conxunto de libros, o que inclúe o libro de Zacarías.