O que a ciencia non pode explicar

Ten a ciencia unha explicación para a orixe do Universo e da vida? A verdade é que non. Algúns afirman que a cosmoloxía, unha rama da ciencia, pode explicar a orixe do Universo. Pero Marcelo Gleiser, profesor de astronomía na universidade de Dartmouth que ademais é agnóstico, comenta: “Non explicamos a orixe do Universo en absoluto”.

De maneira parecida, un artigo da revista Science News di sobre a orixe da vida: “Quizais sexa imposible determinar como empezou realmente a vida na Terra. A maioría dos rexistros xeolóxicos sobre o que pasou ó principio desapareceron hai moito tempo”.a Estas dúas declaracións demostran que a ciencia aínda non puido explicar como empezaron o Universo e a vida.

Pero é posible que te fagas as seguintes preguntas: “Se a vida na Terra foi deseñada, quen a deseñou? Ademais, se existe un Creador sabio e cariñoso, por que permite que os humanos suframos? Por que deixa que existan tantas relixións? Por que permite que os que din adoralo fagan tantas cousas malas?”.

Que a ciencia non poida responder a estas preguntas non significa que non existan respostas lóxicas. De feito, moitas persoas encontráronas na Biblia.

Gustaríache saber por que algúns científicos que dedicaron tempo a estudar a Biblia chegaron á conclusión de que existe un Creador? Visita jw.org e busca a serie de vídeos Opinións sobre a orixe da vida.