Bhag 11-ant Kitem Xiktolim

Hea bhagant, Grik Bhaxent Boroilʼlea Pustokantli mahiti sanglea. Jezucho zolm eka lhan xarant zalʼlo. Tachi famil gorib asli, tacho bapui ek thovoi aslo ani Jezu tachea sangata kam kortalo. Munxakullak salvar korunk ani sorginchea Razvottkecho Raza zaunk, Jehovan Jezuk vinchun kaddlolo. Jehovan Jezuk eke bore familint ani borea vatavoronnant vaddonk koxi modot keli, tem tumchea bhurgeank dakhoiat ani tea pasot tanchem upkariponn vaddoiat. Toxench, Herod Jezuk jivexim marunk sodhtalo tednam, Jehovan taka koxi modot keli, hea vixim xikoiat. Ani Jehovacho udʼdhex purnn korunk konnuch taka addaunk xokona, hem-ui tankam somzaiat. Tea bhair, Jehovan Jezuk ek vatt toiar korunk, Juanvak koso uzar kelo tem-ui hea bhagant sanglam. Ani tornnattponnar Jezun, Jehovache zannavaiecho koso mog kelo tacher zor diat.