Mars—Jivit ani Porgottnni Mittingechea Pustike Pasot Modot
MARS 2-8
DEVACHEA UTRANTLE THEVE | UTPOTI 22-23
‘Devan Abrahamachi Porikxa Keli’
(Utpoti 22:1, 2) Hea ghoddnneam uprant, Devan Abrahamachi porikxa korunk mhollem: ‘Abrahamʼ, Abrahamʼ!’ Tannem zap dili: ‘Ho polle hanga asam2 Devan mhollem: ‘Tujea ekleach opurbaiechea putak, Izakak, ghe ani Moria ganvant voch; thoim Hanv tuka dakhoitolom tea dongrar tum Mhaka tacho iodn bhettoitoloi.
w12 1/1 23 ¶4-6
Devan Abrahamak tachea Putachem bolidan di mhunn kiteak sanglem?
Jehovan Abrahamak oxem mhunnttlem: “Tujea ekleach opurbaiechea putak, Izakak, ghe ani . . . tum Mhaka tacho iodn bhettoitoloi.” (Utpoti 22:2) Hem sangtana Jehova Dev Izakak Abrahamacho, ‘ekloch opurbaiecho put’ oxem mhunntta. Izak Abrahamak kitlo moladik tem Jehova zannam aslo. Toxench, Devak bi aplo mogall Put khub moladik aslo. Jehova Jezucho itlo mog kortalo ki, sorgar thaun tannem Jezuk “Mhozo Put, soglle opurbaiecho” oxem don pavtti mhunnttlem.—Marku 1:11; 9:7.
Toxench, Jehovan Abrahamak Izakacho iodn bhettounk sangtana “upkar korun” (NW) him utram uzar kelim. Ek Bible-acho zannar sangta ki Devan him utram uzar kelim karonn to kitem magta tem korunk Abrahamak khub kotthin zatolem mhunn To zannam aslo. Devan taka hem bolidan diunk sanglem tednam Abrahamak kitlem dukh zalem astolem tem tumi chintunk zata. Tor, Jezu vollvolle sosun melo tem polloun Jehova Devak kitlem dukh zalem astolem tem ami somzonk xokonant. Itlem vhodd dukh Jehovan adim kednanch sosunk na ani fuddem-i kednanch soscho na.
Abrahamachea zagear ami aslolim zalear ami ghoddiek fattim sortolim aslim. Punn ugddas dovorat, Jehovan Abrahamak hem bolidan kortana addailo. Aplo bhurgo morta tem polloun eka avoi-bapaik sogleavon chodd dukh bhogta. Izakak mornnantlean vattaun Jehovan Abrahamacher oslem dukh ieunk diunk na. Punn, Jehovan “aplea khaxa Putak” vattaunk na, amchea pasot Tannem Jezucher moronn ieunk dilem. (Romkarank 8:32) Itlem dukh Jehovan apleacher kiteak ieunk dilem? “Amkam Jivit mellche khatir” Devan oxem kelem. (1 Juanv 4:9) Devan amcho kitlo vorto mog kelo nhoi! Tor, ami Devacho mog korunk favo na kai?
(Utpoti 22:9-12) Magir dog-ui apli urloli vatt tankunk lagle. Devan apnnak dakhoilole svater pavtoch, Abrahaman thoim ek vedi toiar keli ani tacher zollov manddlo. Uprant tannem aplea putak, Izakak, bandlo ani taka vedicher zollva voir dovorlo. 10 Magir aplea putacho iodn korunk hatant suri ghetli. 11 Tednanch Sorvesporachea dutan sorgar thaun ulo marun mhollem: ‘Abrahamʼ! Abrahamʼ!’ Tannem zap dili: ‘Ho polle hanga asam. 12 Devdutan mhollem: ‘Tujea bhurgeacher hat uklum naka, ani taka kaich vaitt korum naka, kiteak tum Devak khorench bhietai mhonn atam Mhaka sarkem gomlem; karonn tujea ekleach putak Mhaka bhettounk tum pattim sorlo naim.
(Utpoti 22:15-18) Aniekdam Sorvesporachea dutan sorgar thaun Abrahamak ulo marun, 16 mhollem: ‘Mhojeach Nanvan Hanv soput ditam oso uloita to Sorvespor tunvem hem keleim ani tujea ekleach putak Mhaka bhettounk pattim sorlo naim dekhun, 17 tujer Hanv axirvad ghaltolom ani ontrallavelea noketram porim ani doriache veller asa te renve porim tuji sonsot Hanv vaddoitolom ani tuji sonsot aplea dusmananche darvontte aplea tabeant kortoli. 18 ani tunvem Mhoji adnia pallʼlii dekhun tuje sonsti vorvim prithvechea sorv raxttrancher Hanv axirvad ghaltolom.’”
w12 10/15 23 ¶6
Devacheo Adnea Pallun Tachea Soputa Thaun Faido Gheiat
6 Patki munxamnim aplea bhasaunneancher bhorvonso dovrunk Jehovan thodde pavtti soput ghetlo. Tannem eka vellar oxem mhunnttlem, “‘Mhojeach jivachean Hanv soput ghetam - uloita to Sorvespor Dev.” (Ezek. 17:16) Jehovan 40-am poros chodd pavtti soput ghetlo mhunn amkam Bible-ant dison ieta. Hea vixim choddxea zannank khobor aslolem udharonn mhunnttlear, Jehova Devan Abrahamak dilʼlo soput. Zaito temp, Jehovan Abrahama sangata korar-a sombondit bhasaunneo keleo. Hea bhasaunnea vorvim Abrahamak kollon ailem ki bhasailoli sonsot tachea sonsti thaun, mhunnchem Izaka thaun ietoli. (Ut. 12:1-3, 7; 13:14-17; 15:5, 18; 21:12) Uprant, Jehovan Abrahamachi porikxa korun tachea ekleach opurbaiechea putacho apleak iodn bhettoi mhunn sanglem. Vell kaddinastana, Abraham Jehovachea adneak pallo diunk toiar zalo. Punn, Jehovachea devdutan Abrahamak Izakacho jiv kaddunk diunk na. Tednam Devan ho soput ghetlo: “Mhojeach Nanvan Hanv soput ditam - oso uloita to Sorvespor - tunvem hem keleim ani tujea ekleach putak Mhaka bhettounk pattim sorlo naim dekhun, tujer Hanv axirvad ghaltolom ani ontrallavelea noketram porim ani doriache veller asa te renve porim tuji sonsot Hanv vaddoitolom ani tuji sonsot aplea dusmananche darvontte aplea tabeant kortoli; ani tunvem Mhoji adnia pallʼli dekhun tuje sonsti vorvim prithvechea sorv raxttrancher Hanv axirvad ghaltolom.”—Ut. 22:1-3, 9-12, 15-18.
Bible-ant Motiam Sodhum-ia
(Utpoti 22:5) Tedna Abrahaman aplea sevokank mhollem; ‘Gaddvak gheun tumi hangach ravat; hanv ani mhozo put matxe mukhar vetanv ani thoim Devak bhozun tumche-xim portotanv.”
w16.02 11 ¶13
Jehovan Taka Aplo Ixtt Mhunnttlo
13 Abraham aplea sangata ailolea sevokank oxem mhunntta: “Gaddvak gheun tumi hanganch ravat; hanv ani mhozo put matxe mukhar vetanv ani thoim Devak bhozun tumche-xim portotanv.” (Ut. 22:5) Abraham kitem mhunnonk sodhtalo? Izakacho bolidan diunk zai mhunn zannam astana Izak porot ietolo oxem Abraham aplea sevokank kiteak sangta? To fott sangtalo kai? Na. Abraham kitem chintalo tem zannam zaunk Bible amkam modot korta. (Hebrevank 11:19 vach) “Melʼleank [Izakak] legun novean jivont korunk Devak xokti asa mhonn Abrahmak visvas aslo.” Khorench, Abrahamak punorjivontponnacher bhorvonso aslo. Apunn ani Sara utar piraier pavloli astana, Devan apleak bhurgem zolmank haddunk tank dilam mhunn to zannam aslo. (Heb. 11:11, 12, 18) Jehova lagim soglem korunk zata mhunn Abraham zannam aslo. Hea vellar, Izak melo zalear pasun Jehova taka jivont kortolo ani apleo bhasaunneo purnn kortolo mhunn Abrahamak khatri asli. Takach lagon, Abrahamak “bhavarth dhortat titleancho-i to bapui” oxem mhunnttlam!
(Utpoti 22:12) Devdutan mhollem: ‘Tujea bhurgeacher hat uklum naka, ani taka kãich vaitt korum naka, kiteak tum Devak khorench bhietai mhonn atam Mhaka sarkem gomlem; karonn tujea ekleach putak Mhaka bhettounk tum pattim sorlo naim.”
it-1 853 ¶5-6
Dev Fuddar Zannam, Tannem Noxib Boroilam
Dev thoddech pavtt fuddar polloita. Devak fuddar zannam zaupachi tank asa punn Dev thoddech pavtt vo goroz tednach hi tank vapurta. Karonn, Dev aple nitiche dorje kednanch moddina. Toxench, Povitr Pustokant Devan amkam apli vollokh dakhoilea. Ti vollokh amkam khatri dita ki Dev dor eka munxanchem noxib borouncho na. Bible amkam thoddeo ghoddneo dakhoita zoim Dev poristhiti topasta ani uprant tharav korta.
Heach pasot, Utpoti 11:5-8 amkam dakhoita ki Dev Babel xarant kitem ghoddtta tem pollounk gelo ani tachea uprant tannem thoinchea lokank prithumecher xipddaunk nirnnoi ghetlo. Sodom ani Gomorra xarant ghoddttolea vaittponnachi khobor aikotoch, tannem Abrahamak sanglem ki thoinchea lokamnim “khorench tem soglem kelam vo na tem polleunk Hanv sokla denvtolom.” (Ut. 18:20-22; 19:1) Jehova Dev Abrahamak vollkhonk pavlo oxem Bible amkam dakhoita ani jednam Abraham Izakacho iodn bhettounk fuddem sorlo tednach Jehovan mhunnttem, “Kiteak Tum Devak khorench bhietai mhonn atam Mhaka sarkem gomlem; karonn tujea ekleach putak Mhaka bhettounk tum pattim sorlo naim.”—Ut. 18:19; 22:11, 12; Ne. 9:7, 8; Gal. 4:9 sor korat.
MARS 9-15
DEVACHEA UTRANTLE THEVE | UTPOTI 24
“Izaka Pasot Ek Bail”
(Utpoti 24:1-4) Atam Abraham mhataro zalʼlo ani tachi pirai borich chodd zalʼli, soglle vatten Devan tacher axirvad ghalʼlo. Aplea ghorant sorvam modlea mhatarea sevokak, aplea sogllea astemhalachea karbhariank, 2 tannem sanglem: ‘Tuzo hat mhojea zanglla pondak dovor, 3 atam hanv ravtam tea Kanaanʼkar lokachea dhuvam modli mhojea putak bail vinchun kaddcho naim mhonn Sorvesporachean, sorginchea Devachean ani prithumechea Devachean, tunvem soput ghetlolo mhaka zai. 4 Portench zalear, mhojea ani mhojeach ghorannea-xim voch ani mhojea puta Izakak ek bail vinchun kadd.’
wp16.3 14 ¶3
Hanv Toiar Asam
Izaka pasot Kanaanitkaram modlim bail vinchun kaddcho na mhunn Abrahaman Eliezerak kiteak soput gheunk sanglo? Karonn Kanaanitkar Jehova Devachi bhokti korinasle ani taka man-ui dinasle. Tea lokanchea vaitt kamank lagon Jehova tankam favo tea vellar xikxa ditolo mhunn Abraham zannam aslo. Aplea putan tea lokam sangata ixttagot kelʼli ani tanchea onoitik kamamnim vantto ghetlolo Abraham naka aslem. Toxench, Devachea bhasaunnent Izakak ek mhotvacho bhag asa mhunn Abraham zannam aslo.—Utpoti 15:16; 17:19; 24:2-4.
(Utpoti 24:11-15) Thoim pavlo tedna donpar zaun gelʼlo. Hea vellar, vaddeantleo ostoreo udkak bhair sortaleo. Tannem aplea unttank, xarachea darvonttea bhair ek bai asli thoim visov gheunk dilo. 12 Ani tannem oxem magnnem kelem, ‘Sorvespora, mhojea dhonia Abrahamachea Deva, Aiz mhojem kam iesesvi kor. Mhojea Dhonia Abrahamacher tum prosonʼn za. 13 Xarantleo tornneo-dhaktteo ostoreo udok vhoddunk ietoleo te baixim hanv atam asam. 14 Tantle eklek hanv oxem mhonnttolom, “Tuka manta zalear, mhaka udok pieunk tuzo kollso matxe sokla kadd.” Zor ti mhunnott, “Zai titlem pie, ani tujea unttankui pieunk udok kaddun ghaltam”, ti tujea sevoka-Izakak tunvem vinchun kaddloli hokol ti zaum. Oxem ghoddot zalear, mhojea dhoniak tuvem konvallai dakhoili mhonn mhaka kollun ietolem.’ 15 Hem tachem magnnem sompchea adinch, Rebeka, aplea khandar ek kollso gheun, thoim pavli. Ti Bethuelachi dhuv, Nahor ani Milka hanchi nat, ani Nahor tor Abrahamacho bhav.
wp16.3 14 ¶4
Hanv Toiar Asam
Eliezer Haran desant eka baim-xim pavlo tednam tannem Izaka pasot bail vinchun kaddunk Jehova Deva lagim adar maglo. Tannem magnnem kelem ki, ji ostori Izakachi bail zatoli tinnem baim-xim ieunchi. Toxench, apunn udok magtolo tednam te ostoren aplea unttankui udok diunchem. (Utpoti 24:12-14) Ani Rebeka baim-xim aili ani tinnem toxench kelem. Hi sogli khobor Eliezaran uprant Rebekachea gorcheank sangli. Tednam hem soglem tichea kanar poddlolem zalear ami nokllo. Punn tinnem him utram aikolʼlim zalear, tika khorench khuxi bhogli astoli mhunn ami khatri dovrunk zata.
(Utpoti 24:58) Tannim Rebekak apoili ani vicharlem: ‘Hea monʼxa borabor vochunk tum toiar asai?’ Tinnem mhollem: ‘Hoi, asam.’
(Utpoti 24:67) Ani Izakan Rebekak aplea tombunt vheli ani tika apli bail korun ghetli; ani tannem ticho mog kelo. Ani he bhaxen aple avoichea mornnan taka dukh bhoglolem tache svater taka buzvonn mellʼlli.
wp16.3 14 ¶6-7
Hanv Toiar Asam
Kaim sumanam adim, Eliezeran Abrahama lagim ho prosn vicharlolo: “Ghoddie ti bail mhoje borabor ieunk kobul zaina zalear?” Abrahaman taka oso zobab dilʼlo: “Tum mhojea soputantlo mekllo zatolo.” (Utpoti 24:39, 41) Bethuel-achea ghorant-ui, tornnatti ostori kitem chinta tem zannam zavop tichea gorcheank mhotvachem aslem. Apleak hea kamant ies mellʼllo mhunn Eliezar itlo urbebhorit zalo ki to rokddoch, dusrea disa sokallim Rebekak gheun Kanaan vochom kai mhunn tichea gorcheank vicharta. Rebekan anik dha dis tori ghora ravchem mhunn tichea gorcheank zai aslem. Xekim, tim Rebeka lagim vichartat: “Hea monʼxa borabor vochunk tum toiar asai?”—Utpoti 24:57.
Rebekak ek vhodd nirnnoi gheuncho aslo. Ti kitem kortoli? Apleak eka onnvollkhi desant vochonk naka mhunn ti aplea bapaik ani bhavak sangtoli kai? Vo Jehovanuch hem soglem ghoddom-xem kelem ani apleak ho sueog dilo mhunn chintʼtoli? Tichea jivitant zo vhodd bodol zauncho aslo tea vixim tika koxem bhoglem tem amkam tichea utramnim dison ieta. Tinnem mhunnttlem: ‘Hanv toiar asam.’—Utpoti 24:58.
Bible-ant Motiam Sodhum-ia
(Utpoti 24:19, 20) Taka pieunk dile uprant tinnem mhollem: ‘Tujea unttankui, tannim pott bhor pieupa itlem, udok hanv kaddun ditam.’ 20 Magir tinnem soddsoddit kollxeantlem udok kollombent rokoilem, ani anink udok kaddunk baincher dhanvot geli. Oxem tinnem soglea unttank udok pivoilem.
wp16.3 12-13
Hanv Toiar Asam
Ek sanjer, jednam Rebeka kollso bhorun ietali tednam Abrahamacho chakor tichea-xim dhavon gelo. Tannem khaltikaien tika mhunnttlem: “Kurpa korun, tujea kollxeantlem mhaka ilem udok pieunk di.” Ho munis pois thaun aila mhunn Rebekak kollon ailem. Tinnem rokddoch khandavoilo kollso kaddun hatant dhorlo ani taka zai titlem udok pieunk dilem. Uprant, tinnem polloilem ki tachea lagim dha unttam asat ani tankam pieunk kollombent udok na. Aplea unttank konn udok ghaltolo mhunn to munis chinta tem Rebekan polloilem. Ti aplea lagim ghoddtta tem korun taka modot korunk sodhtali. Tor, tinnem mhunnttlem: “Tujea unttankui, tannim pottbhor pieupa itlem, udok hanv kaddun dita.”—Utpoti 24:17-19.
Unttank fokot thoddench udok nhoi punn pottbhor udok diunk ti toiar zata. Ek untt sarko tanelʼlo asa zalear, to sumar 95 litr udok pieunk xokta! Sogle untt tanelʼle asle zalear tika khub voram kotthin vaur korcho poddlo astolo. Te untt ekdom tanelʼlo nasle mhunn uprant amkam kollon ieta. Punn, apunn udok dita mhunn tinnem sanglolem tednam Rebeka hem zannam asli kai? Na. Tea zannttea onvollkhi munxak ap-khuxen poramos dakhounk ani tachea pasot kitlo-i vaur korunk ti toiar asli. Tannem ticho adar ghetlo. Ti soddsoddit kollxeantlem udok kollombent rokoitali ani anink udok kaddunk baincher porot-porot dhavot voitali. Hea soglea vellar to bariksannen ticho vaur polloit aslo.—Utpoti 24:20, 21.
wp16.3 13, ftn.
Hanv Toiar Asam
Sanjecho vell zalʼlo. Rebeka khub voram baim-xim urli mhunn Bible amkam sangona. Ti ghora pavta mhunnttlear, gorchim soglim nhidlolim asli vo tika udok haddunk itlo vell kiteak zalo tem pollounk konn-ui ailo oxem-i Bible amkam sangona.
(Utpoti 24:65) Ani sevokak vicharlem: ‘Xetantlean amkam mellunk ieta to konn?’ Sevokan zobab dilo: ‘To mhozo dhoni.’ Tedna tinnem rumalan aplem tondd (matem) dhamplem.
wp16.3 15 ¶3
Hanv Toiar Asam
Eliezara sangata aslim ti soglim Negeb pavlim tednam sanz zalʼli. Rebekan xetant bhonvddi martolea eka munxank polloilo. To kitem tori niall korta oxem distalem. Untt zomnir boschea adim Rebekan ‘aplea unttaveli uddki marli’ mhunn Bible-ant amkam vachunk melltta. Tinnem sevokak vicharlem: “Xetantlean amkam mellunk ieta to konn?” To Izak mhunn tika kollʼllem tednam tinnem aplem matem dhamplem. (Utpoti 24:62-65) Tinnem oxem kiteak kelem? Aplea fuddarachea ghovak man dakhounk hi ek khunna asli. Hea toren man dakhovop ek adlea kallachi rit oxem aiz thoddea lokank disonk xokta. Tori astana, dadleamnim toxench bailamnim Rebekachea khaltikaie thaun borem lisanv xikonk zata. Amkam sogleank hea sobit gunnachi khub goroz asa.
MARS 16-22
DEVACHEA UTRANTLE THEVE | UTPOTI 25-26
“Esau Aplea Malgoddeponnacho Hokʼk Vikta”
(Utpoti 25:27, 28) Esauk bhair ravunk borem distalem ani to ek huxar xikari zalo; punn Jakob thondd monis aslo ani ghorant ravtalo. 28 Izak Esauchi opurbai kortalo kiteak to xikarechem mas haddttalo tem to khatalo punn Rebeka Jakobachi opurbai kortali.
it-1 1242
Jakob
Esau-ak ranant ravonk avoddttalem ani to ek huzar xikari aslo. Tacho bapui Izak tacho mog kortalo. Punn Jakobacho sobhav aplea bhava poros ekdom vegllo aslo. To “promannik [Heb., tam] aslo ani tombumnim ravtalo.” To ek thondd monis aslo ani ghorantlem kam kortalo. Ani tachi avoi tachi opurbai kortali. (Ut. 25:27, 28 NW) Hebrew utor tam, Devachi maneotai aslolea lokam vixim sangonk Bible-ant uzar kelam. Udharonnak, “rogtak tanelolo promannikak zolltta” punn Jehova Dev khatri dita ki promannik munxacho fuddar xanticho astolo. (Mho. 29:10; St. 37:37) Job “promannik munis also [Heb., tam]” mhunn Bible-ant sanglam.—Job 1:1, 8; 2:3, 4.
(Utpoti 25:29, 30) Ekdam Jakoban dall randloli, Esau xetant thaun thokun ailo. 30 Tedna Esaun Jakobak mhollem ‘Tem tambddem kitem randlam tatuntlem thoddem mhaka khavpak di. Hanv samko thoklam.’ Dekhun taka Edom mhonnunk lagle.
(Utpoti 25:31-34) Jakoban sanglem: ‘Tujea malgoddeponnacho hokʼk mhaka vik. 32 Ani Esaun mhollem: ‘Polle, hanv mornnache tonnir pavlam. Mhojea malgoddeponnachea hokʼkacho mhaka koslo faido? 33 Jakoban mhollem: ‘Toxem zalear tum mhaka atanch soput di.’ Tannem soput dilo ani aple malgoddeponnacho hokʼk Jakobak viklo. 34 Tedna Jakoban Esauk unddo ani mosurdallichem vornn dilem. To khaun-pieun utthlo ani aple vatten gelo. He porim Esaun aplea malgoddeponnachea hokʼkachi beporva keli.
w19.02 16 ¶11
Upkari Asop Kiteak Gorjechem?
11 Dukhachem mhunnttlear, thoddea munxamnim povitr vostuncho valor korunk na mhunn Bible amkam sangta. Hea vixim Esau ek udharonn zaun asa. Tachim avoi-bapui Jehovacho khub mog kortalim ani Taka man ditalim. Punn Esau-an povitr vostuncho valor korunk na. (Hebrevank 12:16 vach) Tacho ho sobhav koso dison ailo? Esau-an eka jevnna pasot chintinastana aplea malgoddeaponnacho hokʼk aplea lhan bhav, Jakobak viklo. (Ut. 25:30-34) Uprant, aplea hea nirnnoi-a pasot taka khub dukh zalem. Punn tannem aplea hokʼkacho valor korunk naslo dekhun taka malgoddea putachim besanvam mellonk na tor to gunngunnunk laglo.
it-1 835
Malgoddo, Poilo
Adlea kallar thaun malgoddea putak ghorabeant khub man astolo ani bapaichea uprant to ghoracho vhoddil zatalo. Toxench, bapaichea daiz-ant taka dupett vantto mellttalo. (D.S. 21:17) Ejiptant, Juzen aplea bhavank jevonn dilem tednam Reuben-ak poilo zago dilo, karonn to malgoddo aslo. (Ut. 43:33) Punn Bible-ant, sodanch malgoddea putachem nanv poilem diunk na. Malgoddea putak poilo zago diunchea bodlek zo visvaxi aslo taka poilo zago dilʼlo asa. Ut. 6:10; 1 It. 1:28; Ut. 11:26, 32; 12:4 sor korat; BIRTHRIGHT; INHERITANCE polloiat.
Bible-ant Motiam Sodhum-ia
(Utpoti 25:31-34) Jakoban sanglem: ‘Tujea malgoddeponnacho hokʼk mhaka vik. 32 Ani Esaun mhollem: ‘Polle, hanv mornnache tonnir pavlam. Mhojea malgoddeponnachea hokʼkacho mhaka koslo faido? 33 Jakoban mhollem: ‘Toxem zalear tum mhaka atanch soput di.’ Tannem soput dilo ani aple malgoddeponnacho hokʼk Jakobak viklo. 34 Tedna Jakoban Esauk unddo ani mosurdallichem vornn dilem. To khaun-pieun utthlo ani aple vatten gelo. He porim Esaun aplea malgoddeponnachea hokʼkachi beporva keli.
(Hebrevank 12:16) Tumche bhitor pozddim vo Ezau porim sonvsari monachim konnuch aschim nhoi. Tannem eka jevnnache bodlek malgoddea putache aple hokʼk vikle.
w17.12 15 ¶5-7
Vachpeam Thaun Prosn
Hebrevank 12:16 oxem mhunntta: “Tumchea bhitor pozddim vo Esau porim sonvsari monachim konnuch aschim nhoi. Tannem eka jevnnache bodlek malgoddea putache aple hokʼk vikle.” Hea versant kitem sanglolem asa?
Apostl Paulu Mesias-ache vonxavolli vixim sangom naslo. Kristanvamnim ‘nitt rostear pavlam ghalchim’ mhunn adlea thoddea versant tannem sanglolem. Oxem korit zalear, ‘Devachi doiallai konnakuch chukchina’ mhunn to sangtalo. Punn zo konn pozoddponn kortat zalear tankam Devachi doiallai chuktoli. (Heb. 12:12-16) Tor konnu-i oxem kortat zalear tim Esau-a porim zatolim, zannem povitr vostuncho valor korunk na ani opovitr kama kelim.
Esau adlea kallar jielo jednam dadleank chodd odhikar aslo ani taka zaite pavtti iodn bhettounk sueog mellʼllo astolo. (Ut. 8:20, 21; 12:7, 8; Job 1:4, 5) Punn to sonvsari monacho aslo, dekhun ek jevnnachea bodlek tannem malgoddea putache sogle hokʼk vikle. Abhraham-achea sonstik piddapidd bhogchi poddttoli mhunn sanglolem tem to zannam aslo. Ani hi piddapidd apleacher ieunk naka dekhun tannem ghoddiek oxem kelem astolem. (Ut. 15:13) Toxench, to khottea devank bhozpi don bailam lagim kazar zalo. Ani oxem korun tannem povitr vostuncho valor korunk na ani aplea avoi-bapaicher dukh haddlem. (Ut. 26:34, 35) To Jakoba thaun khub veglo aslo. Karonn, Jakoban khorea Devachi bhokti kortole baile lagim kazar zaunk vinchun kaddlem!—Ut. 28:6-8; 29:10-12, 18.
(Utpoti 26:7) Thoinchea dadleamnim tache baile vixim tachekodden choukoxi keli. Tedna tannem sanglem: ‘Ti mhoji bhoinn, karonn ‘ti mhoji bail’ oxem mhonnpak taka bhirant disli; tannem aplea monant mhollem: ‘Rebeka sundor asa. Tika lagun hangache lok mhozo jiv kaddit.’
it-2 245 ¶6
Fott
Dusreank trasant ghalunk fott marop ekdom vaitt mhunn Bible dakhoita. Punn zankam soglem sot zannam zaunk odhikar na tankam sogli mahiti divop gorjechem nhoi. Jezun oxem sanglem, “Povitr vostu kaddun sunneank ghalum nakat; ani tumchim motiam dukranchea fuddeant uddoum nakat, kiteak tim ghoddiek tim paiam tolla maddoitit ani porot tumchea angar ieun tumche kuddkean-kuddke kortit.” (Mt. 7:6) Dekhun, zaite pavtt heramnim Jezu lagim prosn vicharlem tednam, tannem tankam sogli mahiti vo spoxtt ritin zobab diunk na. Karonn, to lok ti mahiti tachea add uzar korunk xoktale. (Mt 15:1-6; 21:23-27; Ju. 7:3-10) Abraham, Izak, Rahab, ani Elisha-n bi toxench kelem. Jehovachi bhokti korinant tea lokank tannim sogli vo sarki mahiti diunk na.—Ut. 12:10-19; odh 20; 26:1-10; Josh. 2:1-6; Jak. 2:25; 2Raz. 6:11-23.
MARS 23-29
DEVACHEA UTRANTLE THEVE | UTPOTI 27-28
“Jakob Apleak Favo Aslolim Besanvam Melloun Gheta”
(Utpoti 27:6-10) Tinnem Jakobak mhollem, ‘Tuzo bapui Esau mhonnttana hanvem atanch aikolam, 7 ‘Ek xikar haddun mhaka ti randun di. Hanvem khelea uprant, hanv morchea adim, Sorvespora mukhar tuka mhozo axirvad ditam. 8 Tor, puta, Rebekan mhollem, ‘mhojem aik, ani hanv sangtam toxem kor. 9 Atam hindda-xim voch ani thoinchim don mottim-xim bokuddlim hadd. Tujea bapaik borem lagta te porim hanv tuka randun ditam. 10 Magir tum vhorun taka khaunk di, ani to tuka, morche adim, aplo axirvad ditolo.’
w04 4/15 11 ¶4-5
Rebeka—Dev Bhirantechi Ani Koxtti Vavr Korpi Ostori
Esau, Jakobachi seva kortolo mhunn Izak zannam aslo oxem Bible amkam sangona. Punn Jakobak besanvam favo asat mhunn Rebeka zannam asli. Izak-an, Esau-ak xikar korun apleak jevonn rand ani apunn tuka besanv dita mhunn sanglem tednam Rebekan tem aikolʼlem. Dekhun, tinnem rokddench pavl ghetlem. Tornattponnar nirnnoi gheun vavrunk tika ji urba asli ti amkam he ghoddnent sudʼdam dison ieta. Don bokuddlim hadd ani bapaik borem lagta te porim apunn tuka randun dita mhunn ti Jakob-ak sangta. Uprant, ti Jakob-ak Izak-a sorxim dhaddtta ani apunn Esau mhunn dakhoun bapaichim besanvam gheunk sangta. Punn Jakob fattim sorta. Apunn Esau nhoi mhunn bapaik kollot zalear apleak to xirap ditolo mhunn Jakob sangta. Tednam Rebeka mhunntta “Xirap poddta to sogllo mhojer poddum, mhojea puta. Uprant ti jevonn randta, Jakob-ak Esau-achi angavli ghalta ani taka aplea ghova sorxim dhaddta.—Utpoti 27:1-17.
Rebekan oxem kiteak kelem tem Bible amkam sangona. Tinnem oxem korun vaitt kelem mhunn zaitim zannam mhunnttat, punn Bible amkam toxem sangona. Jakob-ak him besanvam favo korunk Rebekacho hat asa mhunn Izakak kollʼllea uprant to ticher ragar zaunk na. Tachea bodlek, Izakan Jakob-ak anik-ui besanvam dilim. (Utpoti 27:29; 28:3, 4) Aplea putam vixim Jehovan kitem bhakit kelʼlem tem Rebeka zannam asli. Dekhun, Jakob-ak favo aslolim besanvam melloun gheunk Rebeka taka adar korta. Hem soglem Jehovache khuxe pormonnech aslem.—Romkarank 9:6-13.
(Utpoti 27:18, 19) Aplea bapai-xim vochun tannem mhollem: ‘Bapa!’ Pain zobab dilo: ‘Ho polle asam. Tum konn, mhojea puta?’ 19 Jakoban aplea bapaik mhollem: ‘Hanv tuzo malgoddo put Esau. Tunvem sangloleim toxem hanvem kelam. Utth ani bos ani hanvem haddlea ti xikar kha ani tuzo axirvad mhaka di.’
w07 10/1 31 ¶2-3
Vachpeam Thaun Prosn
Rebeka ani Jakob-a mukhar hi poristhiti okosmat aili hem khorem, punn tannim oxem kiteak kelem, hache vixim Bible amkam sogli mahiti dina. Rebekan ani Jakoban kelem tem sarkem vo chukichem aslem mhunn Bible amkam sangona. Punn hacho orth oso nhoi ki, Bible fott marunk vo dusreak fosounk porvangi dita. Hea ghoddnne vixim Bible thoddi mahiti dita ti ami polloum-ia.
Poilem, Bible amkam spoxtt ritin dakhoita ki, bapaichem besanv fokot Jakob-ak favo aslem, Esau-ak nhoi. Adim, Jakob-an kaidea pormonnem malgoddea putacho hokʼk Esau thaun vikto ghetlolo. Esau-an eka jevnnam khatir aplo hokʼk viklolo. Bible sangta “Esaun aplea malgoddeponnachea hokʼkachi beporva keli.” (Utpoti 25:29-34) Jakob aplea bapai-xim gelo karonn malgoddea putacho hokʼk takach favo aslo.
(Utpoti 27:27-29) Tache boglek vochun tannem aplea bapaik umo dilo, ani hannem tachea angacho vas ghetlo. Tacher axirvad ghalun bapain mhollem: ‘Hoi, mhojea putacho pormoll Sorvesporan axirvad ghalun, sufoll kelʼlea xetachea pormolla sarko. 28 Dev tuka ontrallavelo dov dium, ani prithumechi sufollai, bhorpur orov ani soro! 29 Raxttram tuje mukhar, sorpott poddum ani porza tuji seva korum! Tujea bhavancho tum dhoni za; tuje avoichim bhurgim tuka nomoskar korum! Tujer xirap ghalta tacher xirap poddum, tujer axirvad ghalta tacher axirvad poddum!’
it-1 341 ¶6
Besanv
Adlea kallar, morchea adim ek bapui aplea putank besanv ditalo. Him besanvam khub mhotvachim ani valorachim aslim. Dekhun, Izakan Jakobak Esau mhunn chintun malgoddea putachim besanvam dilim. Izak Jakobak aplea bhava poros chodd sufoll ani vhodd zaum mhunn axirvad dita. Hea vellar, Izak mhataro zalʼlo ani tachi dixtt unni zalʼli. Tor, hea besanvam pormonnem Jehovan korum mhunn to magtalo. (Ut. 27:1-4, 23-29; 28:1, 6; Heb. 11:20; 12:16, 17) Jakoban aplea lagim ieun Esau mhunn besanvam ghetleant hem kollʼllea uprant Izak Jakobak apoun tinch besanvam portun dita ani herui besanvam dita. (Ut. 28:1-4) Jakoban pasun morchea adim Juzechea dog putank ani uprant aplea her putank besanvam dilim. (Ut. 48:9, 20; 49:1-28; Heb. 11:21) Toxench, Moizesan pasun morchea adim Israelachea akʼhea raxttrak besanv dilem. (D.S. 33:1) Hea soglea ghoddnnea thaun him besanvam khorem mhunnttlear fuddarachim bhakitam vo bhasaunneo zaun asleo mhunn kollon ieta. Thoddeo pavtti, ek munis besanv ditana aplo hat dusreachea mhatear dovrun taka besanv ditalo.—Ut. 48:13, 14.
Bible-ant Motiam Sodhum-ia
(Utpoti 27:46–28:2) Rebekan Izakak mhollem, ‘Esauchea porkea bailanchi mhaka ubgovnn ailea. Jakob-ui hea Hittit cheddvam kodde kazar zait zalear, hanv melʼleach porim zatolem, hem odik borem.’
28 Izakan Jakobak apoun axirvad dilo ani taka formailem, ‘Kanaanit ostore lagim logn zaum naka, 2 ‘Tum utth ani Padan-Aram hanga tuje avoichea bapaichea Bethuel hachea ghorant voch ani tujea Laban mamachea dhuvantle eklek tuji potin kor.
w06 4/15 6 ¶3-4
Tujea Kazari Sangatea Borabor Ulovop Kor
Izak ani Rebeka modem borem ulovop aslem mhunn ami koxim zannant? Esau don Hittit cheddvam lagim kazar zalo tednam tanchea mukhar ek vhodd oddchonn aili. Rebekan Izakak mhunnttlem: “Esauchea porkea bailanchi mhaka ubgovnn ailea, Jakob-ui hea Hittit cheddvam kodde kazar zait zalear, hanv melʼleach porim zatolem.” (Utpoti 26:34; 27:46) Hatuntlean spoxtt dison ieta ki Rebekan apleak kitem usko asa tem Izakak ukteponnim sanglem.
Izak Esau-achea dusrea bhavak, Jakobak, Kanaan desantlea bailam lagim kazar zainaka mhunn sangta. (Utpoti 28:1, 2) Hatuntlean, Izak Rebekachem sangnnem bore toren somzolo ani tannem goroz to nirnnoi ghetlo mhunn kollon ieta. Tannim aplea kuttumbant upraslolea gombir vixoi-acher eka-meka lagim borem ulovop kelʼlem mhunn amkam dison ieta. Kazari zhoddpeank tannim ek borem udharonn dovorlam.
(Utpoti 28:12, 13) Tedna taka ek sopon poddlem: thoim ek nisonn asli; ti zomnir thaun sorgak tenktali; ani Devache dut ticher choddta-denvtale 13 ani tiche voir Sorvespor aslo ani To mhonnttalo: ‘Hanv Sorvespor, tujea bapa Abrahamacho Dev ani Izakacho Dev. Tum add poddlai to des tuje sonstiche adhin Hanv kortolom.
w04 1/15 28 ¶6
Utpoti—II Pustokantle Mukhel Mudʼde
28:12, 13—Jakobak sopnant dixtti poddloli “ek nisonn” kitem dakhoita? Hi, sorgar choddtta tosli “nisonn” fatranche panvdde koxe distale astole. Prithum ani sorga modem ulovop zata mhunn amkam hachea velean kollon ieta. Tea panvddeancher devdut choddttale ani denvtale. Tor, Jehova ani tachi maneotai favo zalʼlea munxam modem seva korunk devdutancho ek mhotvacho bhag asa mhunn kollon ieta.—Juanv 1:51.
MARS 30–ABRIL 5
DEVACHEA UTRANTLE THEVE | UTPOTI 29-30
“Jakob Kazar Zata”
(Utpoti 29:18-20) Jakob Rakelachea mogan poddlolo dekhun tannem mhollem: ‘Tuje dhaktte dhuve, Rakela khatir hanv sat vorsam tuji chakri kortolom.’ 19 Labanan taka zobab dilo, ‘Dusrea-konnak porkeak dilʼlea poros, ticho hat tukach diin; tum mhoje-xim rav.’ 20 Ani Rakelacho hat zoddche khatir, Jakoban sat vorsam Labanachi chakri keli, ani Rakelacho khub mog taka aslo dekhun him sat vorsam thoddech dis zalʼlea porim sorlim.
w03 10/15 29 ¶6
Jakoban Povitr Vostuncho Valor Kelo
Tea kallar, novro cheddvachea kuttumbak hoklechem mol diunk toiar zatalo tednam kazarachem utor zatalem. Moizesak dilʼlea kaidea pormonnem eklean soirik zaunk naslolea cheddvak boxttailam zalear tannem cheddvachea bapaik 50 rupeache-shekel farik korche poddttale. Gordon Wenham mhunnttlolo ek zannar manta ki, hem “hoklechem mol ekdom vhodd” aslem punn choddso lok hachea poros “khub unnem mol” ditalo. (Dusri Somurt 22:28, 29) Jakoba lagim hem mol farik korunk ghoddonk na. Taka lagon, to sat vorsam Labanachi seva korunk toiar zata. Wenham fuddem sangta ki, “Babilonachea kallar ek mhoino kam kortolea vauraddeak ordo vo ek shekel pagar mellttalo (sat vorsam kam kelolean 42 tem 84 shekel mellttale). Tor, Jakob Rakela pasot sat vorsam Labanachi seva korunk toiar zalo tednam tem ek vhodd mol aslem.” Laban khuxen toiar zalo.—Utpoti 29:19.
(Utpoti 29:21-26) Uprant, Jakoban Labanak mhollem, ‘Mhoje sevecho kall somplo, mhoji potin mhaka di; hanv tiche lagim logn zatam.’ 22 Magir Labanan thoinchea sogllea lokank apoun jevonn dilem. 23 Punn te rati, Rakelak tache adhin korche suvater, tannem Leak tachea tabeant keli, ani Jakob tichea sangata nhidlo. 24 Ani Labanan Leache chakornik Zilpa - hika tiche seve-chakrek dili. 25 Dusro dis udesor, Lea apnnak dilea mhonn Jakobak matui khobor nasli. Punn hi khobor taka kollun ietoch, to Labanaxim gelo ani taka mhollem, ‘Kiteak mhonn tunvem mhaka oxem keleim? Rakela khatir hanvem tuji seva kelʼli. Atam mhaka kiteak mhonn fosoiloi?’ 26 Labanan mhollem: ‘Vhoddle poilim dhaktte kodden logn korpachi chal amchea desant na.
w07 10/1 8-9
Khontibhorit Bhoinnam Udexim Israel Raxtt Toiar Zata
Jakobak fosounk Leacho-i hat aslo? Vo tinnem fokot aplea bapaichi adnea pallʼlli? Rakel tea vellar khoim asli? Jem kitem ghoddlem tea vixim tem zannam aslem? Zannam aslem zalear, taka koxem bhoglem? Aploch odhikar choloita toslea bapaichea add tem vochonk xoktalem kai? Bible-ant amkam hea prosnanche zobab mellonant. Rakel ani Lea-k koxem bhoglem tem amkam khobor na. Punn, apnnak fosoilo dekhun Jakob khub ragan bhorlo. Jakoban Labanachea dhuvam lagim nhoi, punn Labana lagim vicharlem: “Rakela khatir hanvem tuji seva kelʼli. Atam mhaka kiteak mhunn fosoiloi? Labanan mhollem: Vhoddle poilim dhakte kodden logn korpachi chal amchea desant na. ‘Tichem lognachem suman purem kor, ani tunvem anink sat vorsam mhoji seva chakri kelear ami tuka dusri-i ditanv.’” (Utpoti 29:25-27) Tor hea poristhitik lagon, Jakobak don bailam lagim kazar zaunchem poddlem. Ani hea karonnak lagon tanchea kazari jivitant nattkai suru zali.
it-2 341 ¶3
Kazar
Utsov. Israelant kazarachea vellar koslich khas kariavoll zainasli hem khorem, punn kazaracho dis khub khuxalkaien monoitalim. Kazarachea disak, chodd korun hokol aplea ghora khub toiari kortali. Poilem, ti nanvtali ani aple khuddik pormollachem tel laitali. (Ruth 3:3; Ez. 23:40 sor korat.) Uprant thoddeo bailo tika nesonk adar kortaleo. Dor ek vokol aplea lagim ghoddtta te pormonnem dhovi-ful ani ekdom nettoilʼli nhesonn ghaltali (Jer. 2:32; Prok. 19:7, 8; St. 45:13, 14) ani ghoddtta zalear bhagar-xringar ghaltali. (Iz. 49:18; 61:10; Prok. 21:2) Ani toxench toklek thaun paim-ia meren pavta tosli vel ghaltali. (Iz. 3:19, 23) Vhoklechea nesonnek lagon Laban Jakobak fottounk xoklo mhunn amkam dison ieta. Rakelachea zagear apleak Lea dilem mhunn Jakobak kollonk na. (Ut. 29:23, 25) Rebeka pasun Izakak mellʼlli tednam tinnem aplem matem dhamplem. (Ut. 24:65) Hea toren vokol aplea novreachea odhikarak man dita mhunn dakhoitali.—1Kor. 11:5, 10.
(Utpoti 29:27, 28) ‘Tichem lognachem suman purem kor, ani tunvem anink sat vorsam mhoji seva-chakri kelear ami tuka dusri-i ditanv.’ 28 Jakoban toxem kelem; ani tichea lognacho satollo somptoch, tannem Rakel aple dhuvekui taka tachi potin koxi dili.
Bible-ant Motiam Sodhum-ia
(Utpoti 30:3) Tedna tinnem Jakobak mhollem, ‘Hi, polle, mhoji chakorn Billah; tika ghe ani tiche-xim nhid, ani taka bhurgem zait tem mhojem. He porim tache udexim hanv avoi zaunk pavtolim.
it-1 50
Posunk
Rakel ani Lea aplea chakornim udexim Jakobak zolmolʼlim bhurgim aplinch mhunn manun ghetalim. (Ut. 30:3-8, 12, 13, 24) Rakel ani Lea-chea bhurgeam sangata hea chakornichea bhurgeank-ui daizant vantto mellʼllo. Hea bhurgeancher Rakelak ani Leak kaidea pormonnem odhikar also karonn tim Jakobachim svotachim bhurgim aslim. Ani toxench Rakelak ani Leak tanchea chakornicher odhikar aslo karonn heo charkorneo aspot koxeo tankam bapai thaun mellʼlloleo.
(Utpoti 30:14, 15) Gonvache lunvnne disamnim Reuben xetant gelo. Thoim taka putdatrichim follam mellʼllim. Tim haddun tannem aple avoik Leak dilim. Tedna Rakelan Leak mhollem: ‘Putdatrichim zhaddam tujea putan haddleant. Tantuntlim thoddim mhaka di.’ 15 Tedna tinnem tika mhollem: ‘Tunvem mhojea ghovak vhela tem puro nhoi mhonnun tum mhojea putan haddlolim zhaddam-i vhorunk sodta?’ Ani Rakelan mhollem: ‘Tujea putan haddlolea putdatrichea zhaddam bodla, ghov aiz rati tuje lagim nhidtolo.’
w04 1/15 28 ¶7
Utpoti—II Pustokantle Mukhel Mudʼde
30:14, 15—Rakelan putdatrichea follank lagon gorbest zaunchi sondhi kiteak hogddaili? Adlea kallar, putdatrichim follam dukh unni korunk ani her karonnak vokod korunk uzar kortalim. Toxench, ti mantalim ki him follam loingik anvdde vaddounk xoktat ani gorbest zaunk adar korunk xoktat. (Gitantlem Git 7:14) Tim follam gheunk Rakelachea motint kitem aslem tem Bible amkam sangona. Punn putdarichea follanchea adaran apunn gorbest zaunk xokta ani vanzddi mhunn apleak anik opman bhogunk poddchona mhunn tinnem ghoddiek chintlem astolem. Punn, Jehovan thoddea vorsam uprant tika “bhurgim zatat toxem kelem.” —Utpoti 30:22-24.