AMCHEM KRISTI JIVIT
PORGOTTNNECHEA KAMANT AMCHI KOLA VADDOUM-IA Amchea Vattarantlea Sogleank Porgott Korun
KITEAK GORJECHEM: Soglea raxttrantle lok bori khobor manun ghetole mhunn Zekarian bhakit kelʼlem. (Zek. 8:23) Punn tankam konn xikoitolo? (Rom. 10:13-15) Amchea vattarantlea sogleank bori khobor porgott korcho sueog ani zobabdari amkam asa.—od-E 84 ¶10-11.
HEM KOXEM KORCHEM:
Toiari. Dusri bhas uloitat te lok tumkam mellttat? Tumi JW Language app-antlean ek sadea prodorxonachi toiari korunk zata. Na tor, tumcho mobile uzar korun jw.org hantuntlean tanche svotache bhaxen chodd mahiti koxi sodhunk zata tem tankam dakhounk zata
Bariksannen polloiat. Tumi ghor-ghoramnim porgott kortana, vatter pasar zatat vo gaddient boson ravleat tea lokank porgott korchi sondhi chukoinakat. Tumi sarvojonik zagear porgott kortat zalear tumchem soglem mon porgottnnecher dovrat
Mhenotin vavrat. Poilea pavtt jim ghoram bond aslim tea ghorantlea lokank mellonk proitn korat. Hem korunk, tumi sumanantlea dusrea disa vo vellar oslea dor eka ghorak bhett diat. Thoddeank ek potr boroun, fon korun, vo vatter porgottun mellonk poddot
Porot bhett korat. Anik zannam zaupachi itsa dakhoilʼleank rokddich bhett korat. Dusri bhas uloita toslo konn-ui mellʼllo zalear, tanchea bhaxen xikounk xokta toslea porgottnnarak kolloiat. To porgottnnar taka mellonk voita porian tumi thoim vochot ravonk zai.—od-E 94 ¶39-40
Poixilʼlea vattarantlea lokank mellpak bhav-bhoinnamnim kosli toiari kelʼli? (1Kor. 9:22, 23)
Koslea oddchonneancho tankam fuddo korcho poddlo?
Koslim besanvam tankam mellʼllim?
Tumchea vattarant chodd lokank mellonk tumi kosle proitn korunk zata?