AMCHEM KRISTI JIVIT
Veg-veglli Bhas Uloitat Toslea Vattarant Sangata Mellon Porgottop
Chodd korun, Rajeacho sondex aplea bhaxent aikotat tednam lokancher rokddoch porinnam zata. Ghoddie heach karonnak lagon, 33 K.X. Ponʼnasavea Disachea Utsovachea vellar, ‘mollba khala aslolea dor-eka raxttrachea bhoktivont Judevamnim’ aplea “avoi-bhaxen” bori khobor aikonk Jehovan manddavoll keli astoli. Tim chodd korun, tea kalla voili chalti bhas Hebrev ani Grek zannam aslim tori astana Jehovan oxem kelem. (D.I. 2:5, 8) Aiz zaite torecheo bhaso aslolea vattarant, veg-vegllea bhasamnim mitting kortat tea sobhank ghoddie porgottunk ekuch vattar asa astolo. Toslea sobhentlea porgottnaram sangata vavrun vattarantlea sogleank koxi sakx diunk zata? Teach borabor, eklean porgottlea uprant thoddeach disamnim dusro ek porgottnnar teach aiknnareak porgottun kam nirfoll zaina zaunk, ani aiknnareak bejar haddinastana vavrunk koxi modot zatoli?
Eka-meka lagim uloun (Mho. 15:22): Sevechi dekhrekh korpeamnim eka-meka lagim uloun, sogleank boreak poddtta tea toren porgottunk manddavoll korunk zai. Tancho porgottnni korcho vattar lhan asa zalear, tea vattarant porgottʼttana tanche sobhechi bhas ulovpi lokanchim ghoram ami soddun diunchim mhunn ti sobha ghoddie amkam kolloitoli. Punn, tanchea vattarantlim ghoram chodd pois aslolean tim thoim sogle pavtt porgottunk pavonant zalear, tumi tanchea sobhechi bhas ulovpi lokanchea ghoramnim porgottunk zata ani konnem-i umed dakhoilear tachi mahiti tankam diunchi mhunn tim kolloitolim. (od-E 93 ¶37) Vo ti sobha tanchea sobhechi bhas ulovpi lokank sodhun kaddun, tancho potʼto aplea sobhek dhadd mhunn sangon tumche sobhe lagim modot magot. (km-E 7/12 5, boks) Ugddas dovrat, thodde pavtt ekach ghorant veg-veglli bhas ulovpi mellonk xoktat. Vattarant porgottunk kelʼli manddavoll, nagrikanchi mahiti surokxit dovorche vixim aslolea sorkarachea kaidea bhair vochonk zaina.
Sangata mellon kam korun (Ef. 4:16): Tumchea sevechi dekhrekh korpea thaun ieta tem margdorxon bariksannen pallat. Tumi oslea videartheam sangata Bible obheas kortat kai zanchi bhas tumchea sobhechi bhas nhoi? Toxem zalear, to videarthi uloita tea bhaxechea sobhek vo tea bhaxechea grupantlea eka porgottnnarak to Bible obheas gheunk dilear tea Bible videartheachi vaddavoll begin zatoli.
Toiari korun (Mho. 15:28; 16:1): Tumchea vattarant ek veglli bhas ulovpi mellʼllo zalear taka bori khobor diunk, zata titlo proitn korat. Oxem korunk, tumchea vattarant lok kosleo bhaso uloitat tem poilinch sodhun kaddun tumi toiari korunk zata. Toxench tumchea mobailar tumi veg-veglle bhaxeche Bible ani viddeo download korun dovrunk zatat. Tumchean JW Language app uzar korun, dusrea bhaxen survatek ulounk thoddim utram pasun xikonk zata.