૧૨ “જ્યારે તું વસ્તી-ગણતરી કરે અને ઇઝરાયેલના પુરુષોની સંખ્યા ગણે,+ ત્યારે દરેક પુરુષ પોતાના જીવન માટે યહોવાને કિંમત* ચૂકવે. આમ તેઓની નોંધણી વખતે તેઓ પર આફત નહિ આવે. ૧૩ જેઓની નોંધણી થઈ હોય એ દરેક પુરુષ પવિત્ર જગ્યાના* શેકેલના* તોલમાપ* પ્રમાણે અડધો શેકેલ આપે.+ એક શેકેલ એટલે વીસ ગેરાહ* થાય. અડધો શેકેલ એ યહોવાને આપેલું દાન ગણાશે.+ ૧૪ ૨૦ વર્ષ કે એથી વધારે ઉંમરના જે કોઈ પુરુષની નોંધણી થઈ હોય, તે યહોવાને દાન આપે.+ ૧૫ તમારા જીવનના પ્રાયશ્ચિત્ત માટે તમે યહોવાને દાનમાં અડધો શેકેલ* આપો. અમીર પુરુષ એનાથી વધારે ન આપે અને ગરીબ એનાથી ઓછું ન આપે. ૧૬ ઇઝરાયેલીઓ પાસેથી તેઓનાં પ્રાયશ્ચિત્ત માટે તું ચાંદીના પૈસા લે અને એને મુલાકાતમંડપમાં થતા કામ માટે વાપર. એ પૈસા ઇઝરાયેલીઓ માટે યહોવા આગળ યાદગીરી માટે થશે અને એનાથી તમારાં જીવનનું પ્રાયશ્ચિત્ત થશે.”