૨૦ તરત જ મૂસા અને હારુને યહોવાના કહ્યા પ્રમાણે કર્યું. હારુને પોતાની લાકડી લીધી ને રાજા અને તેના સેવકોના દેખતાં નાઈલ નદી પર મારી. એટલે, નદીનું બધું પાણી લોહી થઈ ગયું.+

૬ હારુને ઇજિપ્તના પાણી પર પોતાનો હાથ લંબાવ્યો અને નદીમાંથી દેડકાં નીકળવા લાગ્યાં. જોતજોતામાં તેઓ આખા દેશમાં ફેલાઈ ગયાં.

૧૭ તેઓએ એમ જ કર્યું. હારુને પોતાનો હાથ લંબાવીને લાકડીથી જમીનને મારી. એટલે ઇજિપ્તની બધી ધૂળ મચ્છર બની ગઈ.+ એ મચ્છરો લોકો અને પ્રાણીઓને કરડવા લાગ્યાં.

૬ બીજા દિવસે યહોવાએ એમ જ કર્યું. ઇજિપ્તના લોકોના દરેક પ્રકારનાં જાનવરો મરવા લાગ્યાં,+ પણ ઇઝરાયેલીઓનું એકેય જાનવર મર્યું નહિ.

૧૦ તેથી મૂસા અને હારુન ભઠ્ઠીની રાખ લઈને રાજા આગળ ગયા. પછી મૂસાએ એને હવામાં ફેંકી અને બધાં માણસો અને પ્રાણીઓને ગૂમડાં ફૂટી નીકળ્યાં અને એમાંથી પરુ નીકળવા લાગ્યું.

૨૩ મૂસાએ પોતાની લાકડી આકાશ તરફ લંબાવી અને યહોવાએ વાદળના ગડગડાટ સાથે કરા અને અગ્‍નિ* વરસાવ્યા. યહોવાએ આખા ઇજિપ્ત દેશ પર કરાનો વરસાદ વરસાવ્યો.

૧૨ યહોવાએ મૂસાને કહ્યું: “તારો હાથ ઇજિપ્ત પર લંબાવ, જેથી આખા દેશ પર તીડો આવે અને કરાથી બચી ગયેલી સર્વ વનસ્પતિ ખાઈ જાય.”

૨૧ પછી યહોવાએ મૂસાને કહ્યું: “તારો હાથ આકાશ તરફ લંબાવ, જેથી આખા ઇજિપ્ત દેશ પર અંધકાર છવાઈ જાય. એ અંધકાર એટલો ગાઢ હશે કે, તેઓ એને મહેસૂસ કરી શકશે.”