૧૫ “પણ જો તમે તમારા ઈશ્વર યહોવાનું નહિ સાંભળો અને તેમની જે આજ્ઞાઓ અને નિયમો હું આજે તમને આપું છું, એ ધ્યાનથી નહિ પાળો, તો આ બધા શ્રાપ તમારા પર ઊતરી આવશે:+

૨૬ તેઓ અજાણ્યા દેવોની સેવા કરવા લાગ્યા અને તેઓ આગળ નમવા લાગ્યા, જેઓને ભજવાની ઈશ્વરે મના કરી હતી.+ ૨૭ યહોવાનો ગુસ્સો એ દેશ પર સળગી ઊઠ્યો અને નિયમના પુસ્તકમાં લખેલા બધા શ્રાપ એ દેશ પર લઈ આવ્યા.+

૧૫ યહોવા તમારા ઈશ્વરે આપેલાં બધાં સારાં વચનો તેમણે પૂરાં કર્યાં છે.+ એ જ રીતે યહોવાએ જે બધી આફતો લાવવા વિશે કહ્યું હતું, એ પણ તમારા પર લાવી શકે છે. તમારા ઈશ્વર યહોવાએ આપેલા આ સારા દેશમાંથી તમારો નાશ કરી શકે છે.+ ૧૬ તમારા ઈશ્વર યહોવાએ જે કરાર પાળવાની આજ્ઞા આપી હતી, એ જો તમે તોડશો અને બીજા દેવોને ભજીને તેઓને નમન કરશો, તો યહોવાનો કોપ તમારા પર સળગી ઊઠશે.+ તેમણે આપેલા સારા દેશમાંથી તે તમારો જલદી જ વિનાશ કરી નાખશે.”+

૨૭ યહોવાએ કહ્યું: “મેં ઇઝરાયેલના લોકોને જેમ મારી નજર આગળથી દૂર કર્યા છે,+ તેમ યહૂદાના લોકોને પણ કરીશ.+ મારા પસંદ કરેલા યરૂશાલેમ શહેરનો હું ત્યાગ કરીશ. એ મંદિરનો પણ ત્યાગ કરીશ, જેના વિશે મેં કહ્યું હતું કે ‘મારું નામ ત્યાં કાયમ રહેશે.’”+