૨૭ ઈસુ ત્યાંથી આગળ જતા હતા ત્યારે, બે આંધળા માણસો+ તેમની પાછળ પાછળ જઈને મોટેથી પોકારવા લાગ્યા: “ઓ દાઉદના દીકરા, અમારા પર દયા કરો.”

૪૬ તેઓ યરીખોમાં આવ્યા. જ્યારે ઈસુ, તેમના શિષ્યો અને ઘણા લોકો યરીખોમાંથી નીકળતા હતા, ત્યારે બર્તિમાય (તિમાયનો દીકરો) રસ્તાની બાજુએ બેઠો હતો. તે આંધળો ભિખારી હતો.+ ૪૭ તેણે સાંભળ્યું કે નાઝરેથના ઈસુ ત્યાંથી પસાર થાય છે. એટલે તે બૂમો પાડીને કહેવા લાગ્યો: “ઓ ઈસુ, દાઉદના દીકરા,+ મારા પર દયા કરો!”+ ૪૮ એ સાંભળીને ઘણાએ તેને ધમકાવીને ચૂપ રહેવા કહ્યું. પણ તે હજુ વધારે મોટા અવાજે પોકારવા લાગ્યો: “ઓ દાઉદના દીકરા, મારા પર દયા કરો!” ૪૯ ઈસુ ઊભા રહ્યા અને કહ્યું: “તેને બોલાવો.” તેઓએ આંધળા માણસને બોલાવીને કહ્યું: “હિંમત રાખ! ઊભો થા, તે તને બોલાવે છે.” ૫૦ તે પોતાનો ઝભ્ભો ફેંકી દઈને તરત ઊભો થયો અને ઈસુ પાસે ગયો. ૫૧ ઈસુએ તેને પૂછ્યું: “તું શું ચાહે છે, હું તારા માટે શું કરું?” આંધળા માણસે કહ્યું: “ગુરુજી,* મને દેખતો કરો.” ૫૨ ઈસુએ કહ્યું: “જા, તારી શ્રદ્ધાએ તને સાજો કર્યો છે.”+ તરત જ તે દેખતો થયો+ અને તેમની પાછળ રસ્તા પર ચાલવા લાગ્યો.

૩૫ ઈસુ યરીખો નજીક આવી પહોંચ્યા ત્યારે, એક આંધળો માણસ રસ્તાની બાજુએ બેસીને ભીખ માંગતો હતો.+ ૩૬ ટોળું પસાર થવાનો અવાજ સાંભળીને તે પૂછવા લાગ્યો કે શું થઈ રહ્યું છે. ૩૭ તેઓએ જણાવ્યું: “નાઝરેથના ઈસુ પસાર થાય છે!” ૩૮ તે પોકારી ઊઠ્યો: “ઓ ઈસુ, દાઉદના દીકરા, મારા પર દયા કરો!” ૩૯ જેઓ આગળ જતા હતા તેઓએ તેને ધમકાવીને ચૂપ રહેવા કહ્યું. પણ તે હજુ વધારે મોટા અવાજે પોકારવા લાગ્યો: “ઓ દાઉદના દીકરા, મારા પર દયા કરો!” ૪૦ ઈસુ ઊભા રહ્યા અને એ માણસને પોતાની પાસે લઈ આવવા આજ્ઞા કરી. તે આવ્યો ત્યારે ઈસુએ પૂછ્યું: ૪૧ “તું શું ચાહે છે, હું તારા માટે શું કરું?” તેણે કહ્યું: “માલિક, મને દેખતો કરો.” ૪૨ ઈસુએ કહ્યું: “દેખતો થા. તારી શ્રદ્ધાએ તને સાજો કર્યો છે.”+ ૪૩ તરત જ તે દેખતો થયો અને ઈશ્વરને મહિમા આપતો તેમની પાછળ ચાલવા લાગ્યો.+ આ જોઈને બધા લોકોએ પણ ઈશ્વરને મહિમા આપ્યો.+