૧૯ તેઓ તમને પકડાવે ત્યારે ચિંતા ન કરતા કે તમે કેવી રીતે બોલશો અથવા શું બોલશો. તમારે જે કહેવાનું છે એ તમને એ સમયે જણાવવામાં આવશે.+ ૨૦ એ માટે કે બોલનાર ફક્ત તમે જ નથી, પણ તમારા પિતાની પવિત્ર શક્તિ તમારા દ્વારા બોલે છે.+

૧૩ જ્યારે સહાયક એટલે કે સત્યની પવિત્ર શક્તિ+ તમારા પર આવશે, ત્યારે તે તમને સત્ય પૂરેપૂરું સમજવા મદદ કરશે. તે પોતાના વિચારો નહિ જણાવે, પણ તે જે સાંભળે છે એ કહેશે. તે ભવિષ્યમાં થનાર વાતો તમારી આગળ જાહેર કરશે.+

૧૨ હવે આપણને દુનિયાનું વલણ નહિ, પણ ઈશ્વર પાસેથી શક્તિ મળી છે.+ એની મદદથી આપણે એ બધું જાણી શકીએ છીએ, જે તેમણે ઉદાર રીતે આપ્યું છે.

૨૭ પણ ઈશ્વરે તમને પોતાની પવિત્ર શક્તિથી* અભિષિક્ત કર્યા છે+ અને એ શક્તિ તમારામાં રહે છે. હવે બીજું કોઈ તમને શીખવે એવી જરૂર ઊભી થતી નથી. પવિત્ર શક્તિથી થયેલો અભિષેક સાચો છે, જૂઠો નથી. ઈશ્વર એ શક્તિ દ્વારા તમને બધું શીખવે છે.+ એ શક્તિના શીખવ્યા પ્રમાણે તમે તેમની સાથે એકતામાં રહો.+