૨૪ એ માણસોને તારી સાથે લઈ જા અને તેઓ સાથે તું પણ નિયમ પ્રમાણે પોતાને શુદ્ધ કર. તું તેઓનો ખર્ચો ઉઠાવજે, જેથી તેઓ પોતાનું માથું મૂંડાવે. પછી બધા લોકોને ખબર પડશે કે તું નિયમશાસ્ત્ર પાળે છે અને એ પ્રમાણે ચાલે છે.+ તેઓને ખ્યાલ આવશે કે તારા વિશે સાંભળેલી અફવાઓ ખોટી છે.

૨૬ ત્યારે બીજા દિવસે પાઉલે એ માણસોને સાથે લીધા અને નિયમ પ્રમાણે તેઓ સાથે પોતાને શુદ્ધ કર્યો.+ પછી તે મંદિરમાં એ જણાવવા ગયો કે નિયમ પ્રમાણે શુદ્ધ થવાના દિવસો ક્યારે પૂરા થશે, જેથી એ દિવસે યાજક તેઓમાંના દરેક માટે અર્પણ ચઢાવી શકે.