અયૂબ

 ૨ દુષ્ટ લોકો બીજાની જમીન સુધી પોતાની હદ વિસ્તારે છે;*+

તેઓ બીજાનાં ઘેટાં-બકરાં પોતાનાં ગૌચરમાં* લઈ આવે છે.

 ૩ તેઓ અનાથ* બાળકોનાં ગધેડાં છીનવી લે છે,

અને વિધવાનો બળદ ગીરવે રાખી લે છે.+

 ૪ તેઓ ગરીબ લોકોને માર્ગમાંથી હડસેલી કાઢે છે;

તેઓથી પૃથ્વીના લાચાર લોકોએ સંતાવું પડે છે.+

 ૫ વેરાન પ્રદેશના જંગલી ગધેડાની+ જેમ ગરીબો ખોરાક શોધે છે;

તેઓ પોતાનાં બાળકો માટે રણપ્રદેશમાં ખાવાનું ફંફોસે છે.

 ૬ તેઓ બીજાના ખેતરમાં કાપણી કરે છે,*

અને દુષ્ટની દ્રાક્ષાવાડીમાં દ્રાક્ષો વીણે છે.

 ૭ કપડાં વગર નગ્‍ન હાલતમાં તેઓ રાત વિતાવે છે;+

ઓઢવાનું કંઈ ન હોવાને લીધે તેઓ ઠંડીમાં ઠૂંઠવાય છે.

 ૮ પર્વત પર થતાં વરસાદને લીધે તેઓ ભીંજાય છે;

છત ન હોવાને લીધે તેઓ ખડકનો આશરો લે છે.

 ૯ વિધવાનું બાળક ધાવતું હોય ત્યારે, દુષ્ટો એને ખૂંચવી લે છે;+

અને ગરીબનાં કપડાંને ગીરવે રાખી લે છે.+

૧૦ ગરીબો કપડાં વગર નગ્‍ન ફરવા મજબૂર થાય છે,

તેઓ અનાજના પૂળા ઉઠાવે છે, પણ પોતે ભૂખ્યા રહે છે.

૧૧ તેઓ ભરબપોરે પથ્થરની દીવાલો વચ્ચે મજૂરી કરે છે;*

તેઓ દ્રાક્ષાકુંડો ખૂંદે છે, પણ પોતે તરસ્યા રહે છે.+

૧૨ મરતા માણસના નિસાસા આખા શહેરમાં સંભળાય છે;

મરણતોલ ઘવાયેલો માણસ મદદ માટે પોકાર કરે છે,+

પણ ઈશ્વરને એની કંઈ પડી નથી.*

તેઓ એના માર્ગો ધ્યાનમાં લેતા નથી,

અને એના રસ્તા પર ચાલતા નથી.

૧૪ ખૂની માણસ સવાર પડતાં જ નીકળી પડે છે;

તે નિરાધાર અને ગરીબોને મારી નાખે છે,+

અને રાત પડતાં જ ચોરી કરે છે.

૧૫ વ્યભિચારીની આંખ સાંજ ઢળવાની રાહ જુએ છે,+

તે કહે છે, ‘મને કોઈ નહિ જુએ!’+

૧૬ અંધારું થાય ત્યારે ઘરમાં ચોર ખાતર પાડે છે;

પણ દિવસે બંધબારણે ભરાઈ રહે છે.

૧૭ કેમ કે સવારનું અજવાળું તેને રાતના ઘોર અંધકાર જેવું લાગે છે;

જે અંધકારથી લોકો ડરે છે, એને તે પોતાનો મિત્ર ગણે છે.

૧૯ જેમ દુકાળ અને ગરમી બરફના પાણીને સૂકવી દે છે,

તેમ કબર* પાપીઓને દફનાવી દે છે!+

૨૧ તેઓ વાંઝણી સ્ત્રીને પોતાનો શિકાર બનાવે છે,

અને વિધવાને હેરાન કરે છે.

૨૨ ઈશ્વર* પોતાના પરાક્રમથી શક્તિશાળી લોકોને મસળી નાખશે;

તેઓ ગમે તેટલાં ઊંચાં ઊઠે, પણ તેઓનાં જીવનનો કોઈ ભરોસો નથી.

૨૩ ઈશ્વર* તેઓને નિશ્ચિંત અને સુરક્ષિત જીવવા દે છે,+

પણ તેમની નજર તેઓના દરેક કામ* પર રહે છે.+

અનાજનાં ડૂંડાંની જેમ તેઓને કાપી નાખવામાં આવે છે;

તેઓને નીચા કરવામાં આવે છે+ અને બીજાઓની જેમ માટીમાં ભળી જાય છે.