ગીતશાસ્ત્ર

૮૪ હે સૈન્યોના ઈશ્વર યહોવા,

મને તમારા ભવ્ય મંડપ પર ખૂબ પ્રેમ છે.+

 ૨ યહોવાનાં આંગણાં માટે+

હું તડપું છું,

હા, એના માટે ઝૂરી ઝૂરીને હું બેભાન થયો છું.

હે સૈન્યોના ઈશ્વર યહોવા, તમારી ભવ્ય વેદી પાસે

પક્ષીને પણ ઘર મળી રહે છે,

અબાબીલ ત્યાં માળો બાંધે છે

અને પોતાનાં બચ્ચાંની સંભાળ રાખે છે.

 ૫ એ લોકો સુખી છે, જેઓ તમારી પાસેથી શક્તિ મેળવે છે,+

જેઓનાં દિલ તમારા મંદિરના માર્ગો પર જવાની તમન્‍ના રાખે છે.

 ૬ તેઓ બાકા ખીણમાંથી* પસાર થાય છે ત્યારે,

એને જાણે ઝરાઓનો વિસ્તાર સમજે છે.

દુષ્ટોના તંબુઓમાં રહેવા કરતાં,

મારા ઈશ્વરના મંદિરના ઉંબરા પર સેવા કરવાનું* હું વધારે પસંદ કરું છું.

જેઓ નિર્દોષ* રહીને જીવે છે,+

તેઓથી યહોવા કોઈ પણ સારી ચીજ પાછી નહિ રાખે.

૧૨ હે સૈન્યોના ઈશ્વર યહોવા,

તમારા પર ભરોસો રાખનાર માણસ સુખી છે.+