આનો રચનાર કોણ?

વૉટર-પ્રૂફ કમળનું પાન

◼ સાયન્ટિસ્ટ કહે છે કમળ પાનની રચનાની નકલ કરી શકીએ તો એનાથી ઘણા ફાયદા થાય. જેમ કે, એવા પ્લાસ્ટિકના કપ બનાવી શકાય જે વાપરીએ તોપણ ધોવા ન પડે. એવા કાચ બનાવી શકાય જે વરસાદમાં કોરા રહે. એવા માઈક્રોસ્કોપિક મશીન બનાવી શકાય જે વપરાય તોય ગરમ ન થાય.

જાણવા જેવું: કમળના પાનની સપાટી પર નરી આંખે જોઈ ન શકાય એવા નાનાં નાનાં ટેકરા છે. એ મીણથી ઢંકાયેલા હોવાથી એકદમ વૉટર-પ્રૂફ છે. એટલે પાન પર પાણીનું બુંદ પડે ત્યારે સહેલાઈથી લપસી જાય છે. એની સાથે ધૂળ કે કચરો પણ ધોવાઈ જાય છે.

સાયન્ટિસ્ટ એના જેવી અનેક વૉટર-પ્રૂફ ચીજો બનાવવાનો પ્રયત્ન કરે છે. હાલના માઈક્રોસ્કોપિક મશીન પર પાણી લાગવાથી એ બગડી જાય છે. એવું ન થાય માટે તેઓ કમળનાં પાનની નકલ કરવાની કોશિશ કરે છે. સાયન્સ ડેઈલી નામના મૅગેઝિને આમ કહ્યું કે ‘એની કૉપી કરી શકાય તો વૉટર-પ્રૂફ ચીજો બનાવવાનો કોઈ પાર નહિ હોય!’

વિચારવા જેવું: શું કમળનું પાન જાતે જ આવી ગયું કે કોઈએ બનાવ્યું? (g09 04)