યહોવાના સેવકો તરીકે આપણું જીવન
માબાપો, બાળકોને જે જરૂરી છે એ જણાવો
આજે દુનિયામાં સારાને ખરાબ અને ખરાબને સારું કહેવામાં આવે છે. (યશા ૫:૨૦) અમુક લોકો એવાં કામ કરે છે જેને યહોવા ધિક્કારે છે. જેમ કે, પુરુષો સાથે પુરષો અને સ્ત્રીઓ સાથે સ્ત્રીઓ જાતીય સંબંધ બાંધે છે. સ્કૂલનાં બીજાં બાળકો અથવા બીજાઓ આપણાં બાળકોને એવાં કામ કરવાં લલચાવી શકે છે. બાળકોને એવી બાબતોથી દૂર રહેવા તમે કઈ રીતે તૈયાર કરી શકો?
તમારાં બાળકોને યહોવાનાં ધોરણો વિશે શીખવો. (લેવી ૧૮:૩) બાળકોની ઉંમરને ધ્યાનમાં રાખીને તેઓને થોડું થોડું શીખવો કે બાઇબલ જાતીય સંબંધ રાખવા વિશે શું કહે છે. (પુન ૬:૭) પોતાને પૂછો: “શું મેં મારાં બાળકોને આ વિષય પર જરૂરી માહિતી આપી છે? જેમ કે, પ્રેમ બતાવવાની યોગ્ય રીત કઈ છે અને કઈ નથી? શરીર ઢંકાય એવાં કપડાં પહેરવાં કેમ જરૂરી છે? અથવા કોઈને હક નથી કે તે તેઓના શરીરને જુએ અથવા ખોટી રીતે અડે? શું મારાં બાળકોને ખબર છે કે કોઈ તેમને ગંદાં ચિત્રો બતાવે કે ખોટું કામ કરવાનું કહે તો તેઓએ શું કરવું જોઈએ?” જો તમે બાળકોને અગાઉથી એ વિશે જણાવશો તો પછીથી તેઓ મુશ્કેલીમાં નહિ મૂકાય. (ની ૨૭:૧૨; સભા ૭:૧૨) બાળકોને એવા વિષયો પર જાણકારી આપીને બતાવો છો કે તમે તેઓને પ્રેમ કરો છો. કારણ કે બાળકો તો યહોવાએ આપેલું ધન છે.—ગી ૧૨૭:૩.
ટકી રહે એવું ઘર બાંધો—“જે ખરાબ છે” એનાથી બાળકોનું રક્ષણ કરો વીડિયો બતાવો અને આ સવાલો પૂછો:
અમુક માબાપ બાળકો સાથે સેક્સ વિશે વાત કરતા કેમ અચકાય છે?
માબાપે કેમ બાળકોને ‘યહોવા ચાહે છે તેમ શિસ્ત અને શિખામણ’ આપવી જોઈએ?—એફે ૬:૪
જાણકારીથી રક્ષણ થાય છે
કયા સાહિત્યની મદદથી બાળકોને સેક્સ વિશે યોગ્ય જાણકારી આપી શકો?—w૧૯.૦૫ ૧૨, બૉક્સ
બાળકો પર એવી કોઈ મુશ્કેલી આવે એ પહેલાં તેઓ સાથે વાત કરવી કેમ જરૂરી છે?