ફૂટનોટ

b શબ્દોની સમજ: “સુંદર દેશ” એવા માહોલને રજૂ કરે છે, જ્યાં યહોવાના બધા ભક્તો સલામતી અનુભવે છે અને સાથે મળીને તેમની શુદ્ધ ભક્તિ કરે છે. એ દેશમાં આપણને ભક્તિને લગતો ભરપૂર ખોરાક મળી રહે છે. આપણી પાસે પુષ્કળ પ્રમાણમાં સાહિત્ય છે. એમાં બાઇબલનું સાચું શિક્ષણ છે, જૂઠા શિક્ષણને લગતું કંઈ જ નથી. આપણી પાસે ખુશી આપનારું એક કામ પણ છે. આપણે લોકોને ઈશ્વરના રાજ્યની ખુશખબર જણાવીએ છીએ. એ દેશમાં બધાનો યહોવા સાથે મજબૂત સંબંધ છે અને તેઓ હળી-મળીને રહે છે. બધા એકબીજાને મદદ કરે છે, જેથી મુશ્કેલીનો ધીરજથી સામનો કરી શકાય અને ખુશ રહી શકાય. પણ એ દેશમાં કોણ રહી શકે? ફક્ત એવા લોકો જેઓ યહોવાની શુદ્ધ ભક્તિ કરે છે અને તેમને અનુસરવાની પૂરી કોશિશ કરે છે.