સંશોધન માટે સૂચન

બાળકોને શીખવવા માટે

માતા-પિતા, તમારા માથે એક મોટી જવાબદારી છે. એ છે, બાળકોને યહોવા વિશે શીખવવું. (એફે. ૬:૪) તમને મદદ મળે એ માટે યહોવાના સંગઠને ઘણાં લેખો, વીડિયો અને ગીતો પૂરાં પાડ્યાં છે. બાળકોને શીખવવા તમે કઈ રીતે એ બધાંનો ઉપયોગ કરી શકો?

• JW.ORG પર જાઓ. એમાં બાળકો અને યુવાનો માટે ઘણી માહિતી છે. જેમ કે, વીડિયો અને અમુક ઍક્ટિવિટી, જેમાં બાળકો જવાબ લખી શકે કે ચિત્ર દોરી શકે.a એ માટે “શોધો” બૉક્સમાં “બાળકો” કે “યુવાનો” લખો.

• તમારા બાળક માટે જે માહિતી યોગ્ય હોય, એ પસંદ કરો. “બાળકો” વિભાગમાં ઘણાં વીડિયો, ગીતો અને ઍક્ટિવિટી છે. તમે વિચારી શકો કે તમારા બાળકને શામાંથી મદદ મળશે.

• બાળકો સાથે ચર્ચા કરો. બસ બાળક શાંતિથી બેસી રહે એ માટે તેને વીડિયો ચાલુ કરીને આપી ન દો કે પછી કોઈ ઍક્ટિવિટી કરવા આપી ન દો. એને બદલે એ માહિતી પર તેઓ સાથે ચર્ચા કરો અને યહોવાના પાકા દોસ્ત બનવા મદદ કરો.